隨住香港兼航既出現，加上時不時會推出限時特價機票，但每次都要坐定定鬥快搶，其實 OK 辛苦。之後又要格價搵酒店，不過市面上咁多所謂格價網，邊個真係抵邊個真係最多選擇 ?今次等我 Sunny 同各位 wire 民分享幾個唔使搶又 OK 平的方法。

HK Express 「自動化」一睇就知邊日抵

要數平價機票，HK Express 一定係唔少人既首選，雖然現時主打都係國內同東南亞地區，但已經有日本、韓國、台灣同泰國呢幾個香港人最常去既地方。HK Express 間唔中仲會推出限時特價優惠，令到唔少人半夜 12 點唔瞓都要睇住個網頁。其實，好多時做得特價，時間同日期都未必配合到大家放假時間，如果為搶而搶隨時蝕埋時間。如果大家唔介意俾多少少既話，iOS 有一隻 App 可以查到未來一年之內，HK Express 唔同地方既機票價錢，未必最平最抵，但計劃行程會更彈性。

Express Finder（下載）

▲入到個 App 揀「地點」，係下方就可以揀選所有 HK Express 有開既航班。

▲大家就可以見到唔同日期既價錢，紅色字代表最平（App 只顯示機票價錢，並未包括所有機場稅）。

▲點選日期就會顯示出該日最平的航班資訊，包括出發和到達時間。

▲App 可以顯示最多一年後的機票價錢，當然價錢都係海鮮價。

酒店官網 vs 格價網 究竟邊個最平？

除了直接到航空公司網站搵機票之外，唔少人都會用 Skyscanner 同 Kayak 呢類格價網訂機票，究竟呢類所謂格價網係咪真係咁抵，以下就為各位 wire 民做個測試。目的地選擇首爾仁川機場，出發與回程日期分別為 25/4 同 30/4。

HK Express 官網價格

▲官網顯示最平航班去程時間為 0725，而回程則是 2230，機票連稅總共 $1,564。

Express Finder App 價格

▲App 可以正確顯示去程機價售價由 $675 減至 $607。

Skyscanner

▲搜尋顯示經 DeNA Travel 訂同一班次，盛惠 $1,784，較官網貴 $220。

Kayak

▲網站顯示最平為 ZUJI，但同一班機點解要俾 $1,875，比官網足足貴左 $311，足足等於半張機票既價錢。

酒店又係咪官網最平？

當大家決定左邊日飛之後，下一步就當然係搵酒店喇，酒店既選擇就更多更複雜，因為唔少訂房網站，只要加入成為會員都可能會唔同優惠，例如 10 晚送 1 晚或儲積分換優惠等等。如果單單以房價計算既話，網上唔同既格價網在價格上分別又大唔大呢？以下會以入住首爾東大門廣場 JW 萬豪酒店 5 晚，比較酒店網站直接預訂、agoda、wego 和 trivago 的價錢。

酒店網站直接訂

▲網站顯示入住 5 晚連稅共 KRW$1,926,622（約 HKD$13,105）。

Agoda

▲5 晚住宿連稅共 $13,419，較酒店網站貴 $314。

Wego

▲雖然 wego 搜尋結果顯示，每晚平均價為 Hotels.com 所提供的 $2,665，進入 Hotels.com 網站後，5 晚住宿連稅為 $13,326。

Trivago

▲Trivago 顯示透過永安旅遊預訂只需 $9,680，較其他網站平接近 $4,000，不過要注意是可取消日期為入住前 3 日，而其他網站則是入住前 1 日。

兌換外幣

兌換外幣是去旅行必不可少的步驟，以下我們會介紹日、韓、台，3 地的換外幣最抵方案！

百年找換店

百年找換店應該很多人都有聽過，它不受手續費，匯率每天都會更新一次 post 在網站，匯率一般都較銀行高，很受旅遊人士歡迎。

官網： 百年找換有限公司 

兌換日元

小編個人經驗：之前去日本多數在百年找換店換日元，不收手續費，匯率又較高。不過最近一次發現在 HSBC 換日元的匯率也不錯，不想特地坐車去中環光顧百年的話，直接在 HSBC 換吧。不建議到日本當地才換日元，因為日本當地的匯率比香港低，而且很可能有手續費。

兌換韓元

小編個人經驗：去韓國首爾的話多數都會去明洞，而明洞有一間挺有名的找換店「明洞大使館」。它的匯率是小編暫時在首爾眾多找換店之中見過最便宜的。不過如果不去首爾的話，還是百年找換店比較穩陣。不放心沒錢傍身的朋友可以事先換少少韓元，到「明洞大使館」再換多一點。

旅遊達人經驗：去首爾兌換韓元的話也建議在「明洞大使館」，在香港先換美金，用美金去韓國換會高一點，嫌麻煩的話直接用港元也只差幾錢 Won 而已。

若果去釜山的話，則在釜山的 ATM 用銀聯卡去有銀聯服務的櫃員機換韓元較划算。

兌換台幣

小編個人經驗：換台幣的話，建議到臺灣機場找有「銀聯」標誌的提款機，用銀聯提款卡提款的台幣匯率現時挺便宜的。不放心沒錢傍身的朋友可以事先換少少台幣，到臺灣機場再換多一點。

不過有三點要記住：第一係你張提款卡一定要支援銀聯系統，如果唔清楚可以直接問番香港的銀行；第二係出發前一定要係銀行開通「境外提款服務」，唔係既話就算銀行戶口多多錢都禁唔到架啦；第三係每間銀行每日海外可供提款的最高金額都未必一樣，不過一般都係 2 萬港元左右，對於一般人來講應該都夠用啦。

信用卡付款抵唔抵？

去旅行，有 D 人都會帶定一兩張信用卡傍身，萬一唔夠錢都可以碌住先，仲可以儲積分來換飛行里數，隨時可以為下次旅程的免費機票做好準備！但究竟碌卡俾錢抵唔抵？Edward 會同大家講：視乎銀行而定。如果大家拿住的信用卡，在海外簽帳有 4 倍或以上積分獎賞的話，就建議大家「碌住先」，番到香港先用港幣找卡數，咁樣先夠 cover 簽帳的手續費。至於卡種方面，兌換率來講 VISA、MasterCard 同銀聯基本上都差唔多，而銀聯最著數，因為唔洗俾手續費；至於 AE，佢會先將外幣轉做美金，再由美金轉做港幣，計多次兌換率，點計都唔會抵，所以如果你拿住 AE 卡，都係建議你俾 cash 算吧啦。

貨比三家無蝕底

所以幾時都話，做個精明既消費者，落單前要先比較清楚同睇多幾個網站，單以機票作比較，睇落差 $2~300 唔算好多，但如果一家幾口加加埋埋，條數都可以相差很遠！至於酒店格價差異就比較明顯，差幅可高達 30%，當然大家在揀選時亦要留意當中的細節，例如可取消的期限、網站是否有會員制度用作日後優惠等等，始終出外旅行唔同去長洲，及早計劃同搵多幾個網站做比較隨時可以慳返唔少錢。