第 2763 頁 – 香港 unwire.hk 玩生活．樂科技

拍拖跟 EDM 電子跳舞音樂兩者不能共存 ?

真係開心，以後籮文每個星期都有一個機會同大家分享一下科技評測以外嘅嘢。今次想同大家分享一個故事，話說籮文有個朋友，佢好鍾意聽電子跳舞音樂（下稱 EDM，可以參考早前的文章）…

拍拖前⋯⋯

佢之前仲係單身嘅時候，都會相約朋友一齊落老蘭 Clubbing，當其他朋友都係去獵食嘅時候，佢就喺 Club 入面對住個 DJ 台，一邊聽住強勁節拍嘅音樂，睇住 DJ 同埋燈光效果點樣帶動氣氛，一邊好投入咁跟住節奏跳舞。就算期間有女仔埋身，佢都冇任何暇想，因為佢已經將全副精神放到節奏上面。

▲其他人眼中，佢就好似上圖嘅男仔咁，人人都去獵食嘅時候，佢就企係 DJ 台前享受自己嘅世界。

拍拖後⋯⋯

直到佢同依家個女朋友一齊咗，初期都有繼續落 Club，但慢慢發現女朋友唔鍾意，並開始有怨言，「又玩到咁夜！」「又去識女仔呀？」「你試吓問其他女仔，邊有人會俾男朋友去蒲？」。當然我朋友試過帶埋女朋友去，希望女朋友可以知道落 Club 係咩一回事，但由於女朋友本身對依種音樂冇興趣，所以都唔會明白點解我朋友嘅諗法，只會見到場內有好多衣著性感嘅女仔，認為依啲就係我朋友鍾意落 Club 嘅原因。

「點解你唔明白我！？」

我朋友覺得好無辜，因為佢去 Clubbing 並唔係為識女仔，而係因為佢真心喜歡電子跳舞音樂。無可否認，大部份香港人都唔鍾意另一半去 Clubbing，一來可能係佢本身俾唔到足夠信心佢嘅伴侶，二來 Clubbing 文化受電影電視等主流媒體渲染，令人將 Clubbing 同一夜情、性生活等字眼掛勾。所以佢女朋友無錯架，唔想男朋友去 Clubbing 都只係出於緊張同關心。

雖然事實上有唔少人去 Clubbing 都係為結識異性，但都有人係為咗聽下音樂跳下舞，享受一下氣氛，返工辛苦咗成個星期，去釋放一下生活壓力。我朋友覺得，依家唔係文革時期，依家係廿一世紀，點解仲要連聽咩音樂都被禁止，只可無奈地心諗：「想聽容祖兒陳奕迅就可以去聽演唱會，點解想聽 EDM 就要落 Club，要俾人覺得係去識女仔？」

EDM 去邊聽？

見到我朋友咁慘，我就幫佢諗下有乜解決方法啦。知道外國每年都有舉行大型的電子音樂節，例如全球巡迴的 Ultra Music Festival、比利時舉行的 Tomorrowland 、主要於美國舉行的 EDC Electric Daisy Carnival 等等，就算近至國內或台灣都有具規模的電子音樂節活動，全部都邀請到國際級 DJ 演出，而重點係：唔係喺 Club 舉行，而喺更大嘅場地，例如體育館，甚至戶外大草地上舉行，唔再係陰陰沈沈嘅 Night Club，出席者全部都當係嘉年華咁玩，普世歡騰。出席依啲國外嘅電子音樂節係我朋友其中一個夢想，但夢想歸夢想，奈何佢冇錢冇時間。

▲比利時舉行的 Tomorrowland 音樂節，淨係睇圖都覺得形象比 Clubbing 正面好多啦！

好彩，我同我朋友講，近年有一個香港團隊致力於推動香港 EDM 發展，不定舉辦一啲大型活動，請來世界級 DJ ，將 EDM 由 Night Club 帶到亞洲國際博覽館等場地，將 EDM 帶到主流場地。佢地簡直係我朋友嘅救命恩人，終於「想聽容祖兒陳奕迅就可以去聽演唱會，想聽 EDM 唔一定要落 Club」。

之後我朋友同女朋友講，「BB，我聽日約咗幾個 Friend 去聽音樂會，晏啲返。」女朋友話：「哦好呀。」Yeah，成功過骨！

總結：

雖然今次我朋友成功過骨，不過依個方法都係治標唔治本，女朋友仍然會覺得去聽 EDM 就係唔乖。我在此呼籲大眾正視電子跳舞音樂，聽 EDM 唔代表係爛蒲友，每種音樂都有屬於佢嘅地方，聽流行曲可能係去紅館，聽 Orchestra 就要去大會堂演奏廳，而 Night Club 就係 EDM 嘅屋企。你去紅館睇演唱會都不能夠排除有其他觀眾拍手打錯拍子，去 Club 當然都阻止唔到人哋親熱。無論你喜歡嘅音樂種類係乜，最緊要用自己鍾意嘅方式去享受自己鍾意嘅音樂，同時亦都要尊重他人，唔好戴有色眼鏡去睇任何一種音樂。

Android CAP 圖 5 式全攻略 : 0 實體鍵、特長網頁、打格拉箭咀、PC CAP 圖/錄影

Android 手機要截圖，現時不止按音量鍵 + 開機掣，就連按住開機掣都可以在 Menu 選擇到。之不過，原本的這兩個截圖方法仍比較麻煩，一來部份機種的音量鍵很難按，有時會連音量控制條也 Capture 下來：二來按住開機掣彈 Menu 反應亦慢。其實用第三方案 Cap 圖，往往比原生更快更好，亦更多功能。以下就介紹一些更好用的 Cap 圖方案給大家：

(閱讀全文…)

由日本到旺角表演被「大媽」捉趕－Mr. Wally 專訪

上月一身穿着英國漫畫《Where’s Wally》的街頭藝人 Mr.Wally 從日本來港表演，經過被人偷錢的小插曲同日本通多媒體創作人健吾讚揚後，已經一段時間沒有佢的消息。原來佢仍然係香港呢！就係依莉詩影商場聖誕裝飾的時候，撞到換上一身 Charlie Brown 服飾的 Mr. Wally ，我仲同佢傾咗幾句添！

夢想以音樂遊世界

如果大家聽過 Mr. Wally 的歌聲都不難感受到佢對音樂的熱誠。原來佢 15歲已經開始創作歌曲，夢想以音樂遊世界。就係佢讀完高中之後就沒有上大學，係日本拎住結他四圍走，「我發覺唱歌的時候可以同很多唔同人相遇，互相認識，我好享受分享音樂的過程，所以繼續做街頭表演。」至於點解要揀 Wally 的服飾，原來佢覺得大家唔會知《Where’s Wally》係邊出現，就好似佢唔知自己下一站係邊唱歌一樣，希望用音樂帶俾大家快樂。

和平相處先可以傳遞音樂

談到 10月佢來香港表演的經歷，原來除了發生被人偷錢的小插曲外，Mr. Wally 更加留意到旺角行人專用區的小生態。有一晚本來佢已經揀好位置開始表演，點知有一個疑似大媽捉住，將佢帶到一個又窄又近鋪頭的地方表演，結果被店舖的人投拆，仲報埋警。Mr. Wally 覺得好可惜，「明明大家都係條街到，應該可以和平相處，百花齊放，但依家變咗互相霸地盤。咁樣好難可以傳遞到音樂。」相比起旺角街頭唱歌的人純粹睇自己心情而唱，依莉詩更加感覺到 Mr. Wally 對音樂的執著。

遇到不幸事件仍愛香港

Mr. Wally 曾經係日本、台灣同香港表演，雖然佢係香港遇到幾次不快的遭遇，不過佢仍然好鍾意係香港唱歌。「係日本唱歌時，路人多數會取笑我，覺得造型好搞笑，笑下就算，唔會認真聽我唱歌，而台灣人就比較怕羞，好少停下欣賞，加上好快會俾警察注意到，比較困難搵地方演唱。雖然係香港都有限制，但都有幾個地方可以表演，而且會有人圍觀，可以感受到有人用心聽自己唱歌。」對於原定最後一晚的街頭演唱有 300多人撐場，Mr. Wally 非常感激香港人對佢的關心同支持，更表示「雖然自己只係識日文，但從大家的動作、肢體語言都可以感受到對方的心意。同樣會努力學好 D 英文同大家溝通。」

下一站 APM

對於經常有人問到下一站會去邊，佢覺得心情好複雜，「自己好鍾意香港，但又想繼續去其他地方發放正能量。」幸好，APM 將會邀請 Mr. Wally 到商場表演，等香港的粉絲再有機會聽到佢的歌聲。雖然今次唔會著 Wally 套衫，不過依莉詩相信人地聽到佢的歌聲，無論佢係 Mr. Wally 還是 Mr. Charlie Brown 大家都會認得佢吧！

日期：2015年11月21日 (15:00-17:00)、 11月22日 (21:00-23:00)、12月12日(15:00-17:00)

地點：APM 大堂

表演片段(請耐心等候 Loading..)

提你行路帶眼瑞典豎立「低頭族」路牌

隨著智能手機的普及，越來越多低頭族，瑞典亦不例外。斯德哥爾摩一間廣告公司的老闆 Jacob Sempler 是一名低頭族，有一次他如常在街上玩手機，卻因此走入了單車徑險些釀成意外。事件後 Jacob 作出反思，於是邀請同事 Emil Tiisman 合作，製作了多個低頭族路牌作出提醒。

(閱讀全文…)

去除屏幕藍光 Drift TV 夜晚煲劇不怕影響睡眠

有研究認為藍色光譜會影響大腦，讓腦部將屏幕的藍光誤以為是白天的自然光照，引致褪黑激素的產生延誤，於是腦袋沒有誘發眼瞓的信號，清醒和休息的正常生理循環於是被破壞。專門從事睡眠研究的智能照明技術公司 Saffron 早前發表了去除電視藍光的裝置 Drift TV，就算睡前看電視都不怕受藍光影響。

(閱讀全文…)

傾妥合作 LG webOS 電視內置 Google Play

LG 的智能電視採用 webOS 系統，讓用戶可以下載和安裝 Apps，不過相對於使用 Android 系統的智能電視，可以選擇的內容相對較少。日前 LG 宣佈和 Google 達成合作協議，將會為 webOS 的智能電視加入 Google Play 功能，是 Google Play 首次在 Android TV 以外的電視上出現。

(閱讀全文…)

行針式智能手錶瑞士 Movado Bold Motion 發表

以 Museum Watch 設計聞名的瑞士鐘錶品牌 Movado，最近和 HP 合作研發了旗下第一款智能手錶 Bold Motion。Bold Motion 集合了傳統的行針式設計，同時兼具智能手錶的功能；Movado 希望藉此可以衝擊 Apple 和 Samsung 等智能手錶，提供更時尚的選擇。

(閱讀全文…)

唐言無忌：光棍和大盜

11.11 被大陸人稱為光棍節，據說是一班大學男生因為沒有情人，於是發起買禮物送給自己。節日在大學生群體中慢慢散開，後來變身單身女大學生參予，最後被阿里巴巴創辦人馬雲睇中，將光棍節變成全國購物活動，造成龐大商機。

(閱讀全文…)

Edward：「跟機配件合理好多！」Nexus 6P 香港行貨評測

前幾日 Edward 就幫大家測試過今年 Google 推出的新 Nexus 手機，由 LG 代工的「細仔」Nexus 5X，但不少 wire 民均對由 Huawei 代工的「大仔」Nexus 6P 極有興趣。今日 Edward 就終於取得「大仔」，現在先為大家送上它的開箱文，以及初步上手感覺吧！

(閱讀全文…)

Edward：「超輕但易刮花」Pebble Time Round 智能手錶評測

相信有留意 unwire 的讀者，都知道早前 Pebble 推出了他們旗下首款採用圓形錶面的智能手錶 Time Round，不知道有多少 wire 民第一時候決定入手呢？最近第一批貨就終於 ship 到香港，我們亦取得此錶真身，現在就為大家介紹一下試玩後感啦。

(閱讀全文…)

DTS:X 「新世代」環繞聲－艾域為你解構＋評測

若 Wire 民平日愛到戲院睇戲，相信大家買飛時都會發現不少電影都有 Dolby Atmos（全景聲）版本，這種於 12 年正式面世的次世代環繞聲技術，是一種「物件導向式」（object-based）音效技術，現時除了 Dolby Atmos 之外，其最大對手 DTS 亦已在今年中宣佈將會推出同類技術 DTS:X，並與前者一樣同時適用於戲院及家庭影院之中。

甚麼是「物件導向式」環繞聲？

「物件導向式」（Object-based）環繞聲技術，不論在前期聲音設計還是最終重播時，都會設有獨立的聲效物件（Sound Object），這些音效物件能夠隨意指定在整個 3 維聆聽空間中某個位置出現，例如雨聲在頭頂、飛機在右後方出現，甚至因應劇情發展而設計這些「聲效物件」的精確移動情況，例如鬼怪在整個空間由左後方飛向右前方。由於加入 Sound Object，Object-based 環繞聲就可徹底提升音效的仔細度及連貫性，配合適合的器材，便可享受三維立體感明顯提升的環繞聲體驗。

《飢餓遊戲》大結局 DTS:X 香港處子登場

不過相比發展已經如日方中的 Dolby Atmos，DTS:X 至今仍然處於起步階段，採用該種音效技術編碼的 Blu-ray 影碟，現時就只有《Ex Machina》（《智能叛侶》）及《American Ultra》（《特務傻的孖》）兩套電影的美版 BD，而將在明天上映的《飢餓遊戲終極篇：自由幻夢 2》（下稱《飢》），則會在百老匯院線旗下的 Palace ifc 戲院五號院，以及荃灣百老匯一號院上映 DTS:X 版本，為香港首次上映該環繞聲版本的電影，讓影音愛好者能夠首度親身體驗 DTS:X 實際效果。（20/11 更新：荃灣百老匯一號院未有 DTS:X 版本上映。）

▲ 現已推出市場的 DTS:X BD，就只有《Ex Machina》及《American Ultra》兩套美版 BD。

硬件更新仍未就緒

為何艾域會說《飢》是首度親身體驗 DTS:X 實際效果的電影，不是說已有兩套美版 BD 推出了嗎？實情是雖然軟件已經可在部分有出售美版影碟的店舖中購買得到，但到此刻為止市場上所有號稱 DTS:X Ready 的擴音機，都未有正式更新韌體發佈，簡單而言就是「有碟都無用」。

不過艾域今日到訪的 D&M 影音示範室中，就擺放了一部已安裝廠方 DTS:X Beta 測試版本韌體的旗艦級擴音機 AVR-X7200W，令我能夠初步體驗一下 DTS:X 音效，當中就包括《American Ultra》這套配備 DTS:X 音效的美版 BD。據 D&M 表示，Denon 及 Marantz 的 DTS:X 正式韌體更新預計需在明年才會提供，並會先為旗艦型號 Denon AVR-X7200WA 及 Marantz AV8802A 推出相關更新，第二批則是 AVR-X6200W 及 SR7010，其他型號則會「排隊」更新，對於心急人士而言或許就要再等一下了。

▲ 是次測試的 Denon AVR-X7200W 擴音機，已安裝廠方的 DTS:X Beta 測試版本韌體。

▲ D&M 影音示範室為 7.1.4 配置，既適用於 Dolby Atmos 亦對應 DTS:X。 — ▲ D&M 影音示範室為 7.1.4 喇叭佈局，既適用於 Dolby Atmos 亦對應 DTS:X。

DTSX_09 — ▲ 這幅圖為 DTS 向 D&M 提供的 5.1.4 擺位建議，Az 為喇叭與座位的角度，而 El 則是向上的仰角，閣下可以從中發現 DTS 建議中的高空聲道喇叭（白色）需安裝在座位向上 45 度或 60 度位置，與 Dolby Atmos 安裝天花喇叭的要求無大分別。

DTSX_11 — ▲ 艾域另一個關心的問題，就是使用以反射方式輸出高空音效的全景聲附加喇叭模組（Dolby Atmos Enabled Speaker Module），能否「順利過渡」至 DTS:X，D&M 在這方面答案是 OK 的，擴音機會因應喇叭設定而傳送不同訊號予該喇叭輸出。

DTS:X 音效更平衡移動效果突出

艾域是次試看的片段，就包括收錄於《2015 DTS Blu-Ray Demo Disc Vol.19》示範碟的動畫短片《Locked Up》，以及《American Ultra》中的一段警署槍戰爆破戲。

先說《Locked Up》，這段片段會有一隻蒼蠅在整個環繞音場之中飛來飛去，對比自己曾經試以 UpMix 方式聽過的效果，真正的 DTS:X 聲效的移動效果就更為突出連貫，而且更具立體感。

至於《American Ultra》這套已經「見街」的 BD，試睇後感覺 DTS:X 音效的低頻變得較為收歛，而非以往「DTS 系」音效常有的超大動態、量感強勁的低頻，令整體環繞聲表現變得更為平衡，令人更易投入電影之中。另外一個重要聽感，就是 DTS:X 的環繞聲道效果，確實較傳統聲道式（Channel-based）更為突出。

▲ 剛抵港的《American Ultra》美版 BD，是另一套採用 DTS:X 編碼之電影。

▲ 有圖有真相，從擴音機中的「Info」選單中可以得知，接收的訊號真的是 DTS:X。

DTS Neural:X Upmixing 表現有實際提升

作為 Denon AVR-X3200W 擴音機的用家，艾域早前在家中睇戲時就發現，當擴音機接收到的是 DTS 系之音效訊號時，擴音機是無法使用 Dolby Surround 模式，將之 Upmixing 向上模擬成 Dolby Atmos 輸出，亦即自己使用中的一對 Atlantic Technology 44-DA 全景聲附加喇叭模組就會立時「罷工」，無法反射營造出上空的聲音效果。

▲ Dolby Atmos 就有 Dolby Surround，而 DTS:X 的 Upmixing 功能則名為 DTS Neural:X。

▲ 未來更新之後，Denon 及 Marantz 對應 DTS:X 的擴音機，都會在選單中增設 DTS Neural:X 選項。

與 Dolby Atmos 一樣，DTS:X 亦將會提供名為「DTS Neural:X」的 Upmixing 功能，將傳統 5.1 聲道、7.1 聲道甚至兩聲道 DTS 音效向上轉換，將之模擬成 DTS:X 效果。今日艾域亦試播《異空戰士》港版 BD，這張 BD 原生採用 DTS-HD Master Audio 7.1 聲道音效，播放湯告魯斯開首搶灘一幕，艾域就發現使用 DTS Neural:X 輸出時，整體環繞聲的垂直層次明顯較強，令整體聲音的立體感更為明顯，環繞聲聲道的聲音亦比原生 7.1 時更為埋身，情況與播放 DTS:X 時類同，亦足證 DTS Neural:X 這個 Upmixing 功能有實際功效。

試播原生採用 DTS-HD Master Audio 7.1 聲道音效的《異空戰士》港版 BD。

▲ 以 AVR-X7200W 作為例子，透過 DTS Neural:X，用戶可將 DTS-HD Master Audio 5.1 或 7.1 原訊號，向上轉換為 7.1.4 喇叭佈局輸出。

▲ 不過在更新之後，所有 Denon 及 Marantz 的擴音機均不能作跨品牌 Upmixing，意即原音效為 Dolby，就不能使用 DTS Neural:X 作 Upmixing，反之亦然，若想直接比較兩者之間哪一個 Upmixing 做得較好，或許需要播放原生音效訊號為 PCM 無壓縮訊號了。

籮文：「明點解一部手機賣七萬幾」Vertu New Signature Touch 系列手機評測

出名奢侈的手機品牌 Vertu 近日於香港發布全新 Signature Touch 系列手機，機身有極高工藝水平，可選多種皮革包覆，5.2吋 Full-HD 藍寶石屏幕，2,100 萬像素鏡頭，預載 Android 5.1 Lollipop 系統，用家仲有特權，可以使用 Vertu Concierge 私人助理服務，極具奢華，想知有幾奢有幾華就繼續閱讀以下文章啦！

極具奢華的外觀

機身外殻以5級鈦板打造，機身以手工皮革包覆，皮革可選取小牛皮、蜥蜴皮、鱷魚皮等，金屬部份亦有多種材質可供選擇。機背有 MicroSD 及 Sim 卡槽，背板以鷗翼方式打開，即時令籮文想起 Benz 跑車的鷗翼車門設計。每部 Signature Touch 都由工匠手工打造，打開背板後可見工匠的簽署（對手工有什麼不滿意可以找他投訴）。機面有多種幾何形狀金屬堆砌而成，下方有皮革色覆的枕位，籮文覺得有點像 Mouse Pad 枕手的位置，但華麗好多。所有外觀材質都可以自訂（有錢就得），最適合重視個人化的用家。有皮革包圍，整體上手感都非常好，唯一缺點是比較重，但仍然可以接受。

▲機面有多種幾何形狀金屬堆砌而成，下方有皮革色覆的枕位，籮文覺得有點像 Mouse Pad 枕手的位置，但華麗好多。

▲將小機關反起再左右擰，兩邊背板就會彈開

▲機背有 MicroSD 及 Sim 卡槽，背板以鷗翼方式打開，即時令籮文想起 Benz 跑車的鷗翼車門設計

▲每部 Signature Touch 都由工匠手工打造，打開背板後可見工匠的簽署（對手工有什麼不滿意可以找他投訴？）

▲所有外觀材質都可以自訂（有錢就得），最適合重視個人化的用家。

▲顧客亦可享用 Vertu 的保養服務，整花了機身可以找工匠拋光

▲3.5mm 耳機位及音量鍵都在左側

▲Micro USB 位及開關鍵都在右側，紅色的按鈕用途容後再解釋

Vertu 用家的專享服務

原來粒紅色按鈕是用作開啓 Vertu 用家的專享服務，一按下就會有三大服務供用家選擇，包括生活協助服務（Vertu LIFE）、品質保障服務（Vertu CERTAINTY）及私人助理服務（Vertu Concierge）。Vertu LIFE 主要為用家提供精選的活動，例如畫展、酒會等，還有進入私人會所或俱樂部的尊享特權和關店購物的優先權。Vertu CERTAINTY 就似 Blackberry 的 DTEK，Vertu 與科技團隊 Silent Circle合作確保 Vertu手機用戶的信息安全。服務包括加密電話、簡訊和視頻。此外，Vertu 手機尋回服務能夠在任何時候鎖定手機、抹除信息，並找回用家的 Vertu，以確保您手機的絕對安全並從不遺失。而 Vertu Concierge 私人助理服務就是向顧客提供一對一管家服務，從旅行安排、住宿和就餐體驗，到禮品挑选和私人宴會的入場券一應俱全。買了機的用家可以免費享受 18 個月的私人助理服務。

▲原來粒紅色按鈕是用作開啓 Vertu 用家的專享服務，一按下就會有三大服務供用家選擇，包括Vertu 生活協助服務（Vertu LIFE）、Vertu 品質保障服務（Vertu CERTAINTY）及私人助理服務（Vertu Concierge）

▲私人助理服務（Vertu Concierge）

▲品質保障服務（Vertu CERTAINTY）

▲生活協助服務（Vertu LIFE）

5.2 吋全高清 V 型隱藏前置喇叭

LED 背燈使用的磷光粉經特別挑選，New Signature Touch 的 5.2 吋全高清顯示屏色彩飽和度和 428ppi 像素密度的細緻度都不錯，並且用屏幕玻璃面用了130克拉第五代藍寶石覆蓋，堅硬防刮痕。喇叭隱藏於機面下方金色 V 型裝飾及皮枕之間，籮文用了 Signature Touch 看了 Let it go 的 MV，顯示屏色彩鮮豔，音量亦足夠，證明 Signature Touch 不只是賣名牌效應，配置都是超過合格，揸上手真的不捨得 Let It Go。

▲喇叭隱藏於機面下方金色 V 型裝飾及皮枕之間

▲籮文用了 Signature Touch 看了 Let it go 的 MV，顯示屏色彩鮮豔，音量亦足夠，證明 Signature Touch 不只是賣名牌效應，配置都是超過合格

2,100萬像素相機可拍 4K

Signature Touch 搭載 Snapdragon 810處理器，64GB 內置記憶體及 4GB Ram， 2,100萬像素 f2.2 光圈相機效果都不過不失，但更吸引是可以拍得到 4K 短片，而電池容量高達 3,160 mAh，持續力都頗強。操作過程中籮文未遇到窒機情況，但要留意一點就是開啓相機的速度比較慢。

籮文：「當藝術品依個價係值嘅」

見到華麗嘅機身，真皮包覆，仲係由工匠人手打造，就知依部係非一般的手機，外觀設計更加可以當係藝術品睇，加埋 Vertu 客戶專有特權，去到外國突然想食個香港杯麵都可以用 Vertu Concierge 叫人送過黎，趕時間去開會點知飛機 Delay？可以叫人搵架直昇機過黎接你。（當然要另外收費）諗起都興奮，不過諗下好啦，因為價錢…

價格：據款式而定由 HK$75,200 起

查詢：2526 1283 （Vertu）

籮文：「拍片功能是重點」Leica SL Typ 601 全片幅無反相機初步評測

Leica SL Typ 601 全片幅無反相機正式於香港發布，採用 2,400 萬像素感光元件，也加入 4K 影片錄影，另外採用 2.95 吋的觸控螢幕，搭配雙 SD 卡設計，也具有 Wi-Fi 連線功能。想知更多請繼續閱讀。

外型太簡約令我好迷惘

本身未用過 Leica 的籮文一拎 Leica SL 上手，首先覺得好重，機身連電池已經重 847g ，比其他品牌的入門單反更重。此外，籮文覺得好迷惘，雖然 SL 機身按鈕不多，但全部按鈕都冇文字或圖示解釋，除了 On／Off 及快門鍵可以估到用途之外，其他按鈕都要按過先知有乜用。撇除大鄉里籮文唔識用之外，其實 Leica SL方方正正的設計很簡約，是幾有美感的。而 Leica SL 亦備有防塵、防水滴功能及支援雙 SD 卡插槽。

▲ SL 機身按鈕不多，但全部按鈕都冇文字或圖示解釋，除了 On／Off 及快門鍵可以估到用途之外，其他按鈕都要按過先知有乜用

▲機頂 LCD 屏旁邊按鈕有什麼用？原來是影相 mode 及拍片 mode 的切換

▲左機側可見 HDMI、USB 3.0 及其他插口

▲支援雙 SD 卡插槽

400 萬像素 EVF 好清好順好自然

鋁合金機身感覺非常硬淨，亦有密封設計預防塵埃水濺。機身按鈕較少，操控上需要多使用 2.95 吋 104 萬點的輕觸式屏幕，同時備有 440 萬像素電子觀景器，而籮文使用觀景器取景時覺得十分舒適，一來因為像素密度高，二來 Leica 今次採用了 EyeRes 技術，更新率都有所提升。機頂亦設有 LCD 屏幕可供用家查看攝影資訊。

▲操控上需要多使用 2.95 吋 104 萬點的輕觸式屏幕

出三支新鏡用盡 2,400 萬全片幅 CMOS 同時支援 T 鏡

Leica SL（Typ 601）採用 Leica T 接環，可以用 Leica T 系列鏡頭。廠方亦同時推出3 支專用鏡頭，分別是 24-90mm F2.8–4 ASPH、90-280mm F2.8–4 及 50mm F1.4 ASPH。用盡 2,400 萬全片幅 CMOS ，快門效果由最長30分鐘至最高 1／8000秒，ISO 最高可達 50,000。

▲用盡 2,400 萬全片幅 CMOS ，快門效果由最長30分鐘至最高 1／8000秒，ISO 最高可達 50,000。

Android iOS 可作遙控拍攝罕有機身內建 GPS

Leica SL 罕有內置了 GPS 全球定位系統，在 EXIF 中加入拍攝時的地理數據，以及可以自動調教相機中的時區設定。用家亦可以透過 WLAN，用裝了 Leica SL App 的 iOS 或 Android 手機平板連接相機，作遙控拍攝及實時 Live View，非常簡單直接。

▲用家亦可以透過 WLAN，用裝了 Leica SL App 的 iOS 或 Android 手機平板連接相機，作遙控拍攝及實時 Live View，非常簡單直接。

拍 4K 去到 30fps 拍 Full-HD 仲上到 120fps

Leica SL 搭載 Maestro II 處理器及 2GB 緩衝記憶體，高效性能令 SL 可以拍得到每秒11張相片連拍及 30fps 的 4K，而 Full-HD 更可以去到 120fps，讓用家可以後期製作慢動作效果。SL 也有不少方便後製的功能，如水平、Focus Peaking、V-Log L gamma、班馬紋等。

測試相片

▲高速自動對焦，運動照片都拍得很清?（f/3.5，1/250，ISO 800）

▲現場較暗，但顏色仍表露無遺（f/4.0，1/15，ISO 800）

▲用到 ISO 1600 未見有雜訊（f/3.5，1/250，ISO 1600）

籮文：「拍片功能是重點」

Leica SL 一揸上手真係好重，但係籮文明白點解會咁重，SL 鋁合金機身俾我感覺好硬淨，機身重量令我拍片左右 Pan 時更加穩定。而 SL 具備有 4K @ 30fps 錄影的能力，（4:2:0 內置儲存、另可作 4:2:2 HDMI 輸出），而拍 Full-HD，更可拍最高 120fps 的短片拍攝，可見 Leica SL 在拍片上的心機，令依部 SL 唔單只係相機，仲係一部專業嘅攝錄機。

Leica SL Typ 601 機身 HK＄56,500

Leica Vario-Elmarit-SL 24-90mm f/2.8-4 ASPH 鏡頭 HK＄35,200

以正視聽！Sony 回應恐怖份子涉嫌用 PS4 互相溝通傳聞

上週法國巴黎發生的恐怖襲擊震驚全球，而事件更造成不少人命傷亡。事後比利時當局在拘捕一批疑犯時，就有報導指如今恐怖份子開始利用 PS4 來溝通，令執法機構難以追查他們的行蹤。不過 Sony 很快便對上述消息作出回應，務求令外界了解當中的事實。 (閱讀全文…)

童年回憶返來喇！Bandai 宣佈推出復刻版《龍珠》萬變咭

如果大家有經歷過上世紀 80 及 90 年代，相信或多或少都應該玩過「萬變卡」這種產品吧？當年好多地方都設有各式各樣的萬變卡機，只需入一蚊即可抽到一張，而抽到閃卡更會令人非常雀躍。至於在眾多萬變卡中，以《龍珠》作為主題的就肯定是最受歡迎，而且今日更收到好消息，因為 Bandai 宣佈《龍珠》萬變卡將會復刻推出！ (閱讀全文…)

Elke 教你點樣用盡 LG V10 副屏幕

上集 Elke 同大家講到點樣用 LG V10 輕輕鬆鬆影靚相同拍靚片(請按此)，但 LG V10 又點止得相機功能勁啵？今集 Elke 話要同大家分享下 LG V10 仲有咩特色，佢最鍾意呢個副屏幕嘅貼心設計。

(閱讀全文…)

展現懷舊氣息！ThinkGeek 推出 8-Bit 風格蠟燭台 LED 座檯燈

過往紅白機遊戲的 8-bit 畫面雖然看起來質素好差，但如今卻變成了一種懷舊風格，而且近年不少遊戲都用上類似的畫風，令人十分懷念。雖然通常這種 8-bit 風格只能在螢幕上看得到，但最近卻有廠商將之帶到現實生活中，並推出了一款視覺效果一流的 LED 座檯燈，看起來相當獨特。 (閱讀全文…)

一插電視即變 PC！Google 全新 PC 手指「Chromebit」現已發售

月初曾有消息指 Google 計劃將 Android 及 Chrome OS 合併，令人懷疑後者或會被放棄。不過其他 Google 便作出澄清，並表示 Chrome OS 將會繼續存在，並且及後仍會推出相關的產品。而一如官方承諾，Google 今日終於正式推出一款全新 PC 手指 Chromebit，而它正正就是採用 Chrome OS 為作業系統。 (閱讀全文…)

後置鏡頭光圈提升！傳 iPhone 6c 已準備好可隨時生產發售

雖然 iPhone 6s 及 iPhone 6s Plus 只是推出了一段時間，但有別於以往每年推出一次的週期，下一款 iPhone 或很快便會降臨。因為早前有分析師指出 Apple 已計劃推出一款 4 吋 iPhone 新機，今日有最新消息指它就是傳聞已久的 iPhone 6c，而且更已經準備就緒可隨時生產。 (閱讀全文…)

叮噹百寶成真！日本成田機場測試「神奇翻譯大聲公」

近年日圓貶值吸引到不少人都日本旅遊，雖然當地的確有很多好玩的地方，但最麻煩的是不懂日語與日本人溝通會十分麻煩。比如小編就發現日本機場好多職員都不懂日文以外的其他語言，有起事上來會難以溝通。不過這個情況將來或有望解決，因為最近日本成田機場就設計出一款「神奇翻譯大聲公」。 (閱讀全文…)

東華慈善嘉年華票價公佈！$145 玩轉 6 大機動遊戲

睇紅隧個廣告牌睇咗咁耐，機動遊戲迷係咪心郁郁呢？今日東華慈善嘉年華的詳情終於公怖啦！今年聖誕同新年，6大機動遊戲同多個攤位遊戲將會登陸前啟德機場跑道，變身遊樂場。睇嚟除咗去 AIA嘉年華之外，大家又有新節目啦！

1) 齋睇都暈－陀飛輪

之前已經傳咗好耐話呢個　2015年瑞士創新製造的機動遊戲「陀飛輪」登陸香港，依家確定咗啦！由 3個四方大型框架組成，24個玩家一字排開，3個框架會同時向不同方向「迴環立體式」旋轉對抗地心引力，絕對係挑戰玩家瘋狂極限。

2) 恐怖過跳澳門旅遊塔－極速空降

全球最高移動式終極跳樓機，從27層樓（80米）頂峰瞬間垂直急速下墜，無重飄浮感交織壓力與緊張，出發前記得帶多條褲啊！

3) 食暈浪丸都唔掂－超級搖滾

24名乘客同時坐上「超級搖滾」，擺動至30米高空，而座椅圍繞垂直軸 360度轉動。時向內時向外被不斷旋轉。我係咪入錯咗洗衣機啊！

4) 瀡唔斷氣－超级紐約滑梯

去年美國「Super Bowl超级碗」活動期間熱爆紐約時代廣場的 6層樓高超级滑梯今次首度係亞洲亮相。超乎想像的高度配合特製滑板，讓大人細路感受世界級瀡滑梯樂趣。希望唔會噋親個 pat pat 啦！

5) 兒時回憶番晒嚟－鞦韆樹

大樹下盪鞦韆的畫面幾時可以出現？以大樹為設計概念的嶄新機動遊戲將你慢慢升上13米高空作波浪式迴旋，在半空中與摯親分享無憂快樂時光，重溫孩童時的歡樂。

6) Double 浪漫－雙層旋轉木馬

浪漫經典的旋轉木馬以華麗雙層形式出現，配以全新的瑰麗華衣和名貴點綴裝飾，在絢爛燈光下營造出 Double 浪漫氛圍。

慈善票最抵玩！

講咗咁耐係咪好想玩呢？係就要快 D 上網搶飛啦！依家只要用 $145 就可以買到東華三院慈善票，當中包括$120 機動遊戲面值、$40 攤位遊戲、$20 入場費同購物禮券。每售出1張慈善票，主辦單位更會率先捐出 $40予東華三院。又平 D 又做到善事，係咪抵先？

日期：2015年12月21日至2016年3月28日
時間：星期一至四： 3pm-11pm ／星期五、六、日、公眾假期及指定日子： 11am-11pm
地點：前啟德機場跑道
查詢：enquiry@uepl.com.hk

拍拖前⋯⋯

拍拖後⋯⋯

「點解你唔明白我！？」

EDM 去邊聽？

總結：

夢想以音樂遊世界

和平相處先可以傳遞音樂

遇到不幸事件仍愛香港

下一站 APM

表演片段(請耐心等候 Loading..)

甚麼是「物件導向式」環繞聲？

《飢餓遊戲》大結局 DTS:X 香港處子登場

硬件更新仍未就緒

DTS:X 音效更平衡 移動效果突出

DTS Neural:X Upmixing 表現有實際提升

極具奢華的外觀

Vertu 用家的專享服務

5.2 吋全高清 V 型隱藏前置喇叭

2,100萬像素相機 可拍 4K

籮文：「當藝術品 依個價係值嘅」

外型太簡約 令我好迷惘

400 萬像素 EVF 好清好順好自然

出三支新鏡 用盡 2,400 萬全片幅 CMOS 同時支援 T 鏡

Android iOS 可作遙控拍攝 罕有機身內建 GPS

拍 4K 去到 30fps 拍 Full-HD 仲上到 120fps

測試相片

籮文：「拍片功能是重點」

1) 齋睇都暈－陀飛輪

2) 恐怖過跳澳門旅遊塔－極速空降

3) 食暈浪丸都唔掂－超級搖滾

4) 瀡唔斷氣－超级紐約滑梯

5) 兒時回憶番晒嚟－鞦韆樹

6) Double 浪漫－雙層旋轉木馬

慈善票最抵玩！

DTS:X 音效更平衡移動效果突出

2,100萬像素相機可拍 4K

籮文：「當藝術品依個價係值嘅」

外型太簡約令我好迷惘

出三支新鏡用盡 2,400 萬全片幅 CMOS 同時支援 T 鏡

Android iOS 可作遙控拍攝罕有機身內建 GPS