莫講話創業，就連小編啲同事成日都唔夠訓，日日都有好多睡眠債未還，搞到唔夠精神做野，上次寫過一篇「捱夜提神大法」，今次就教大家點樣捱完夜都可以唔使變成喪屍咁返工！

小心飲食

即使你好攰，你都要食嘢補充每日所需能量。但要留意，切勿食過量，不然狀態會更差。唔夠精神的時候，你身體的反應都會遲鈍啲，未必及時話到俾你聽「夠飽喇！」，所以相比平時，你要更留意食物的份量，夠就好了。而且要飲多啲水，捱夜的人，第二朝可能會脫水，補充水份也是重要的。

關於三餐，正如醫生建議，早餐是必不可少的，而且更會影響你一整日。捱完夜之後，不要進食高糖份高熱量的食物，但可多食含豐富蛋白質及纖維的食品。基本上就是要食健康食品，菜、水果、蛋、魚等等，但飯、麵、甜品還是少食為上。

做簡單運動

做一啲簡單的運動，可以促進血液循還，及當累透的時候保持集中。但要注意，運動不要亂做，有些只會令你越做越攰，甚至用盡你僅餘的能量。簡單如 3 組掌上壓，一組做得越多越好，每組之間 30 秒小休。這些簡單的運動不應做超過 5 分鐘，或令你大汗淋漓，因為目的只是要令你清醒。如果不想做掌上壓，也可以做 Plank 或其他核心肌肉訓練。

站著工作

我諗有唔少朋友都有聽講過，坐係度做野係舒服啲，但成日坐係度唔郁就唔係太健康啦。當你做嘢做到「中眼瞓」，你應該諗辦法等自己唔好太舒服，而企係度做嘢就係一個好好的方法醒一醒神。不過，你個位未必有 Standing Station，點算好呢？ 如果你用緊 Notebook，你可以拎佢去一個可以企係度做嘢的地方；如果電腦唔郁得，咁就出去行個圈，用電話做住先。一開始企係度可能唔係咁舒服，但適應左就 OK 架喇！

適量攝取咖啡因

有些朋友會靠咖啡因提神，但過量攝取會令健康出問題。而如果你已是飲咖啡的常客，咁呢段可能幫唔到你了！咖啡因只會在你間中攝取時才有顯著功效。如你不常飲咖啡，捱完夜之後，你可以在早餐時飲一杯有足夠咖啡因份量（65－100 微克）的飲品，可幫你提提神，但下午兩點後就不要再飲咖啡了，因為攝取過多咖啡因還會影響睡眠質數！

小睡片刻

唔係講笑，小睡並不是歐洲人的專利！你也可以在 Lunch Break 的時候，找個 20 分鐘來睡，但要留意，那 20 分鐘最好在下午一點至三點之間，在那段時間好好休息，可保持心律規則，也能提升認知能力。如你有一小時午膳時間，小睡 20 分鐘後，還有 40 分鐘讓你慢慢來個輕食午餐，之後的工作時間，精力應該還夠應付！

來源：Lifehack

甚麼是 unwire.space ?

unwire.hk 作為生活科技網站，一直有報道科技生活之餘，亦有採訪科技創新企業，試透過我們的綿力推動一下香港創業文化的發展，因此推出類似現時流行的 co-working space 概念工作間 – UNWIRE Space。就在我們位於觀塘區的編輯室旁方便我們採訪報導，Co-working space 結合新媒體宣傳力就是我們與眾不同的 unwire.space 了。

<詳情請按此>