今個星期初小編 遠赴參觀上海舉行 Ford 於 CES ASIA 2015 舉行的發佈會，要知道除了電腦手機，現在汽車都開始走向智能化，而 Ford 就推出 Sync 3 汽車智能系統，如果大家都想知佢有咩功能就要留意喇！以下有更多資料：
事先聲明，小編 係冇車牌、亦唔留意車 (Game 例外)！所以這次來到 Ford 發佈會焦點自然係佢o地最新「Sync 3」 汽車智能系統，其實 Ford 早於 2006 年已推出 Sync，而今年發佈的「Sync 3」值得留意係因為佢要面對其他車廠之外，仲要應付 Apple Car Play 及 Google 等平台。
傳統介面 支援 Touch
講返正題。現場發佈的「Sync 3」雖屬測試樣本，但基本功能大致都試用到。介面跟 Edward 之前試的 CarPlay 有點唔同，主介面風格比較傳統，主介面顯示著地圖、時間及連接情況，功能選單設在底部，有音樂（收音機）、環境（車內）、通話、導行及 App 等 5 項主要功能，介面切換反應還好，但據說已比 Microsoft 平台（Sync / Sync 2）時快得多，而「Sync 3」 就係首款 Blackberry QNX 平台，除了速度提升，屏幕還支援多點觸控功能，例如可在地圖放大縮細等等，感覺好像一台 Tablet。
▲ Sync 3 支援 Multi-Touch 功能，可在地圖放大縮細。
跨平台支援 暫不支援中文
雖然「Sync 3」 僅限於 Ford 汽車使用，不像 Apple Car Play 可裝到不同汽車，但裝置兼容上「Sync 3」會比 Car Play 彈性，全因佢支援任何具藍牙的裝置，即 Android、iOS、Blackberry 及 Windows Phone 都支援，系統會從手機下載連絡人、訊息（SMS），這樣駕駛者便可在車上翻閱連絡人及訊息，或亦可透過語音系統操作或收聽內容 （同時亦支援 Siri）。不過，由於 Sync 3 最初只在北美推出，因此未能顯示英文以外文字，語音亦僅支援英文。
▲ 透過藍牙連接手機或平板，因此不限 Android 、iOS 或 Windows Phone。
▲ Climate 可操控車內冷氣、溫度及風扇強度等等。
▲ 內建導行及 GPS 功能。
▲ Sync 3 亦對應全新 AppLink 平台，可把一些手機 App 如 Spoitify 等到 Sync 3 上使用，可惜現場未見相關 Demo，暫時只知對應 Android 及 iOS。
▲ 連絡人及訊息部分暫未支援中文，因此會出亂碼。但厲害之處是它可讀出訊息。
小編 ：操作簡單如 ATM 望快支援中文
小編 甚少接觸汽車系統，但初試 Ford「Sync 3」都算易上手，感覺同使用 ATM 差唔多，操作反應可接受，但可惜暫時未支援到中文及嘗試 AppLink 等功能，相信要等明年在亞洲推出才真正體驗如何。
專訪 Joseph C.Beiser
Director, Ford Connected Vehicles and Services, Ford Asis Pacific and Europe
Mr. Beiser 指「Sync 3」賣點除了更易操作，系統亦比之前更智能化，透 WiFi 及 AppLink 平台，駕駛者可把連上網及使用自己喜歡的 App，而這次 Ford 在中國亦跟跟 Radio.cn、喜馬拉雅及「網易雲音樂」等平台合作，藉此令平台選擇多元化。當然有人會擔心保安問題，而「Sync 3」系統會對資料加密，同時手機必須連接系統後才可翻閱有關資料，即使汽車被偷去賊人亦看不到任何內容。最後，面對 Car Play 等系統競爭對手，Mr. Beiser 指 Car Play 其實跟「Sync 3」的 AppLink 功能相似，兩者是可並存，而「Sync 3」比其他車廠優勝是長遠支援，免月費及提供 AppLink 等，而「Sync 3」預計最先於今年底在北美推出，亞洲就尚未有時間表。
