可能大家呢個月又見到一張黑色海報，上面企住謝安肥，楊千 fa 同張智霖叫你定時定候熄燈；又係一年一度嘅地球一小時，唔知各位有冇見證過呢一小時呢？其實都幾大場面，全球喺同一日同一時間用一個熄燈嘅動作，為被破壞嘅環境「發出最後的哮聲」。嗯，咁喺呢一小時內，成日機不離手嘅 Unwire 仔仔女女熄燈後可以做啲乜呢？為此，小編就為 Unwire 全體安排咗個《地球一小時—Unwire 同事版》俾大家抄考吓：

以上或許唔係最慳嘅地球一小時，但 Unwire 嘅生活就係要比大家科技化一點啊～ 地球一小時都話，好靠科技宣揚不同大小嘅環保行動，如果唔係點將 7,000 幾個城市嘅熄燈盛事擺到去同一個平台，俾更多個環保的你分享呢？其實地球一小時最想要係咩，梗係希望你簽名承諾後，會好似耶穌嗰十二門徒咁背負起傳教嘅使命，由自身出發，從而感染更多人關注環保議題，好似環保科技，本土農業，郊野公園同第三條跑道等等…

睇番佢哋網站嘅活動概要，講到「港人正耗用 3.1 個地球的資源」，梗係話我哋喺衣，食，住，行上都係「大嘥鬼」啦！其實由我哋醒覺做出熄燈一小時呢個動作，大家其實應該持之而行，比如 Unwire 99% 同事日日都要仿效 Mark Zuckerburg 咁樣日日同一個 look，又或者試玩會食唔哂嘅嘢我哋都會“惜心”包番公司食哂佢（仲有廚餘機），仲有，等小編俾大家睇吓我哋公司個天花板先！唔係一切打回原型，馬照跑舞照跳，咁地球一小時就白搞啦！成日見啲人嫌搞得唔夠多，熄得唔夠燈，Come on Chris，一個 campaign 唔通真係淨係要你一粒鐘咁多？！

^ 老老實實，唔係叫你日日唔開燈返工，長遠嚟講，拆走幾枝光管完全唔會影響視力，仲幫地球老細慳一筆添！跳起 yeah！