KF900 重新江湖,價位冇乜點跌,企穩o係 $2,780。
先達真係有好多野估佢唔到!上年 2 月出o既第二代 PRADA 手機 LG KF900,第一批水貨到港時俾人炒到 $6,000,遲少少出o既行貨,定價亦係 $6,200。不過,過o左冇耐水貨就插到唔清唔楚,最後跌到三千幾,跟手仲失埋蹤,冇舖再賣。本來以為佢會就此 Bye Bye,點知過o左幾個月,連行貨都已經消失埋,近排水貨居然重出江湖!更估唔到係佢個價冇乜點跌,竟然仲賣緊 $2,780,只係左幾百,唔通 PRADA 個名真係咁值錢?