山寨機平就係人都知，但其實有冇諗過最平可以有幾平？近排我就見先達有間舖割價促銷幾款山寨機，大約由 $680 一部劈到劃一 $380 一部，算係我見過最平o既山寨機！其中有 D 我上網查翻，見都只係 09 年出o既款，唔係超級陳年倉底死貨，賣呢個價都算係咁啦！功能？都係山寨機o個 D 啦，有雙卡雙待有藍牙，有得插 microSD 又有個 130 萬像素鏡頭影o下相。$380 咋！你唔係仲預期有其他o野呀？
仲想平過呢個價？其實唔係冇可能，不過若果手機舖賣完部機變白做o既話，佢o地又點會肯駛呀！反而落雞亞、冇得撈喇間唔中會出 D 只賣二百幾蚊o既行機，三叔仲出過破晒歷史紀錄o既 $168 超平手機添，不過當時部機只o係白蘆薈等電器舖賣，其他$2xx既手機就算先達有得賣，但通常都係賣一輪就冇晒，唔會長賣長有。所以你咁o岩需要買平機俾阿爸阿媽用時，就未必買到 D 大牌平機，但山寨機就差唔多隨時都有咁平，有時真係冇得揀o架！
查詢：T．One Mobile（2628 9898）