呢篇野出自我口中就真係身份有啲尷尬，因為串哥都係做呢行，被人炮轟果位都算叫行家，不過串哥份人就係咁，見到不平事唔好話同行，就算老死就照炮轟。係討論區見到有人話機身竟然同盒上的serial code 唔match，呢個係我也行內好嚴重的錯誤，文中提到sales哥哥話人手入盒，入錯唔出奇，其實呢番解釋都幾不負責任，先唔講係咪人手入錯，都你同個客解釋「唔出奇」三個字將個責任推得一乾二淨會令到個客反感，好應該即討同客人道歉話自己攪錯，即時換一盒新的比佢，再送多少少野比佢先係正確的做法，我諗個客就因為你呢句「唔出奇」先咁氣憤上網唱你。
OK 再講番件事，我唔知其他店點做，我地比客人試機有個守則一定要守，就係開完一盒先一盒，唔會一次過開晒幾部機比客試，咁樣有機會入錯盒，我諗呢條守則通行都知，所以無咩可能會有入錯盒的情況，除非係廠果邊攪錯，不過以我咁多年經驗，呢個情況真係難過中六合彩，只係試過印得唔好8字變左3又或是6是變左o咁樣。
邊間舖我係度唔開名喇，有興趣自己入去下面條 Link 睇啦。我只係想講呢間野都唔細，我就當你唔係出古惑，Sales態度點可能咁差，同埋唔止開post的人轟你，其他網友都一同炮轟呢間野出古就知呢間野唔係「浪得虛名」。老老實實我地做大舖頭，賣得唔夠d舖仔平，d 客黎比多小小係想買個安心，你咁攪法真係大舖中的害群之馬．．各位行家，近年個巿都好番好多，唔好再用個巿淡黎做發洩借口啦，我講咩?大家行家心照啦!
最後串哥都想講句公度話，網上講野信半成好了，同行真係試過搵人做打手係討論區中傷其他行家，但無論點都好，串哥真係苦心勸行家唔好做壞巿，仲同各位網友買野提高警覺啦!
原文 : http://digital.discuss.com.hk/viewthread.php?tid=11938356
分享到 :
最新影片
