串哥做左咁多年都識左唔少客，好多人買親電器都會返黎搵我，甚至做埋老死。唔係我自誇，呢班客入面好多都係勁人，最近有個客爆料話蘋果已經係香港秘密成立左成條 Team，專責攪香港的 Apple Store。呢個消息對蘋果 fans 黎講應該好興奮，不過對我就麻麻喇，又多個人食塊餅，仲要係大財團添！不過諗深一層，如果真係有官方 apple store 都好，自己做呢行都知有時下面 sales 對 mac 的認識真係有限公司，成日比個專業玩家問到口啞影響公司形象，而家班專業用家可以去 apple store ，入面d 班員工咁 pro，一定可以解答佢地d刁轉問題!喇講明先，呢單料串哥唔包係堅料，不過以佢職業同身份又唔似係流料………….