琴日有個客走黎訴苦話自己個仔好唔生性。事源佢個仔得 19 歲，係網上識左個 13- 14 歲的o靚妹仔，傾傾下就約人地出黎唱K 以為得米啦，點不知唱唱下K 個女仔扮電話無電叫個男仔借電話比佢，又扮嘈走出去傾，點知個男仔等等下唔見個女仔踪影先知道中左伏。
然後立即去警局報案，差人話佢無野証明個女仔偷左佢部電話，好難強制性捉佢返黎盤問喎，差人話會幫佢搜集証據，夠料先做野。個男仔以為單 Case 就咁完結啦，點知又真係柳暗花明又一村，差館打黎話有人恰到部 iPhone，叫佢親身上黎認領，點知原來果部真係個男仔部 iPhone，不過 sim card 比人蚊走，同埋成部機鎖死左 ( Password 錯太多 Pin Lock ?)，無法打開睇入面的野，所以無辦法証明比差人聽呢部 iPhone係佢，眼白白部機拿唔返來….
串哥即時安慰佢：大哥，轉個角度睇你個仔一部 iPhone 買個教訓算好抵，而且個女仔未成年，如果你個仔色心起做錯事，到時個女仔先威脅你個仔幾十萬，無的話就報警，咁的話你個仔監都有得坐呀!係咪?點知個客頭擰擰，唉點解我個仔咁蠢，第一次就惜電話比人，仲要自己唔望實．．．串哥又覺得佢個仔純得可愛，對人全無機心。各位會員，電話真係唔好亂借比唔熟的人，尤其而家d女仔好興玩借部 iPhone 黎打機。
分享到 :
最新影片
