串哥今日早更，放工約八點左右後去先達開開眼界，見到我老死 Vincent 上左報當然埋去吹兩句水，隨便套下料睇下 iPhone4 賣成點，誰不知佢老哥忙到無得休息，d人行過見到無鎖版眼睛發光，不過一聽到無貨再加賣成 14,800 立即留下三字經就走人，真無品！隨後發生了一單震驚先達的事件．．
一名大汗淋漓的大陸客，企到舖前用好國語大聲問：你們是不是有沒鎖的 iPhone 4 賣？Vincent 哥有禮地回答：先生，是的不過全部都給預訂了，新貨要明天下午才有。大陸客好唔友善回答：「TMD，老子看到網站說你們有無鎖 iPhone4 就坐飛機趕下來，你老哥現在跟我說沒貨？小伙子別跟我來這套，你們看錢份上吧？這裡兩萬塊(真係兩大舊金色 Cash 放出黎) 你現在就給我。Vincent 哥就一個馬步拖左大陸客入舖慢慢傾，最後有無成交就唔知喇，但隨後另一名大陸客又黎問價，店員 B 眼見大陸客咁豪，二話不說就坐地起價，14,800 變 15,800 訂價，大陸客價都無講立即比錢走人，差d連訂單都無拿！
串哥呢d做大型行貨店，短短 15 分鐘見盡人生百態，腳都震埋！翻一翻機執成倍幾利潤你都咪話唔驚！我知好多人用粗口問候先達水貨佬獅子開大口，不過我見到呢件事我開始明白有巿就有價的道理，比著你係水貨佬，你又會唔會錯過呢個機會先?
分享到 :
最新影片
