新一代 iPhone 5 將於 9 月 21 日（下週五）正式在港開售，但香港區的 Apple Online Store 至今仍未有開放預購，而作爲 Apple 合作電訊商之一的 SmarTone 數碼通就率先開放 iPhone 5 登記網頁，供有需要的用家登記預購 iPhone 5！
數碼通目前只提供 iPhone 4G 月費組合，暫不提供淨機銷售。爲防止出現「罷位」的現象，用家在登記時，信用卡將會被扣起 $500 的預留費用。如用家最終放棄購買，這 $500 將被扣除作爲手續費。有興趣的朋友可點擊這裏登記預購。
SmarTone 預購 iPhone 5 條款及細則：
立即登記 iPhone 5
登記並加入 iPhone 5 嘅輪候名單。iPhone 5 將於 9 月 21 日正式開售。如何運作
所有登記 iPhone 5 嘅客戶都會歸納到單一個輪候名單。當新貨一分配到畀你，我哋將會通知你。
若同時加入輪候名單，我哋會按比例優先聯絡 PriorityPlus 會員，其次係有 ExpressPass (請參照下述)嘅 SmarTone 現有及新上台客戶；最後係無 ExpressPass 嘅 SmarTone 現有及新上台客戶。唔同類別客戶嘅等候時間預期唔會有太大差別。
請即按此 Like SmarTone 嘅 Facebook 專頁，並依指示登記索取 ExpressPass。每位 Facebook 用戶限取 ExpressPass 一個，並只限使用一次。請妥善保存，因喺登記加入輪候名單時，必須輸入 ExpressPass 號碼以確認你為有效嘅 ExpressPass 持有人。詳情
當你登記後，你將收到我哋發出嘅確認電郵及 SMS，通知你已成功加入輪候名單。
當你心水嘅 iPhone 5 型號一分配到畀你時，我哋會以電郵或 SMS 通知你。如有興趣，請按指示喺 3 日內到你指定嘅 SmarTone 門市辦理。
如果你預期 3 日內都嚟唔到，請致電熱線 2880 2688 或到我哋門市安排延長 30 日。我哋會收取 HK$1,000 手續費。呢個費用會喺登記 iPhone 4G 月費計劃時，全數退回。
iPhone 5 現時只提供 iPhone 4G 月費組合，並未提供淨手機。
為防止「霸位」同令輪候名單出現混亂，我哋會從你嘅信用卡扣起 HK$500 之信用額。呢個限額會喺你購買 iPhone 5 同登記 iPhone 4G 月費計劃時取消。但如你最終放棄購買，呢個數額就會被扣除作為手續費。
如果信用卡資料不符或錯誤，會有專人聯絡通知你。如最後仍未能更正資料，你嘅登記會被取消。
有關 iPhone 4G 月費計劃嘅詳情，請按此。加入輪候名單後，如更改心水 iPhone 5 嘅型號，你將需由名單嘅最後位置重新輪候。登記唔可以轉讓畀其他人，並只可供登記者本人使用。
我們確保輪候名單嘅管理係有效同公平。當 iPhone 5 一分配到畀你時，我哋會即刻再通知你。而我哋嘅門市同熱線都唔能夠查詢到有關於你喺輪候名單位置同狀況。我哋感謝你嘅體諒同合作。
相關文章:
【教學】iOS 18.1 如何用 Apple Intelligence 只需 2 個設定 + 香港免 VPN 也可用 【教學】iPhone 一鍵即開中國支付 App 主要功能 鎖機畫面直接開付款碼、掃一掃、乘車碼 M4 MacBook Pro 開箱影片流出 3 個 USB-C + 標準 16 GB RAM + 跑分結果
分享到 :
最新影片
