開學啦！小妹都想買些東西鼓勵一下仍然要讀書的朋友仔，想起當年小妹去上堂時，每次都帶著 laptop, 手機, 文具, 錢等匆匆出門…… 想起都覺得麻煩！好啦！就買一些靚袋讓他們好好袋著必須品出門啦！
特別設計 Daily Digital File Bag
它驟眼看是一個普通的電腦袋，但它的拉鏈可拉至 3 邊全開，內層撞色位置都可以 show 俾朋友睇。用家可以放入 10″-13″ 的 note book、文件、iPad 等，更可放小妹當年上堂都會偷偷地睇的雜誌添！它有 3 款顏色，分別為啡/天藍、藍/啡、粉紅/綠，3 款都玩內外撞色，設計具懷舊的書卷味。
▲ 拉鏈可拉至 3 邊全開。
▲ Notebook 可以不拆出來直接使用。
▲ 備有啡/天藍、藍/啡、粉紅/綠，3 款都玩內外撞色，每款售價 HK$399。
多用途 Prime Pencil Case
打開鈕扣位置，可以放入文具如筆、間尺等，不夠用？側面還有一條拉鏈，打開可以放手機或其他文具如三角尺、橡皮等，都未夠用可以打小袋反轉，打開拉鏈你會發現還有一個間隔，放少量化妝品都得，十分多用途呢！外形簡單，有 4 款顏色，分別為海軍藍、粉紅、天藍和橙色。
▲ 打開拉鏈你會發現還有一個間隔，放少量化妝品都得！
▲ 有 4 款顏色，分別為海軍藍、粉紅、天藍和橙色，每款售 HK$179。
手挽 Smart Clutch & 型格 Smart Wallet
好多女仔都覺得帶平板電腦就無得用靚靚小手袋，其實都不是啦！如果你用 7″ 平板電腦的話，可以考慮用 Smart Clutch，除了可放小型平板電腦或 Samsung Galaxy Note 8.0，更備有放卡片的位置及有拉鏈的間隔，放紙幣、硬幣都得，帶一個靚靚小手袋就可以出門啦！它以皮革製，有 4 種顏色，分別為黑、桃紅、粉紅、薄荷色，不過小妹覺得桃紅就有點太刺激啦！
▲ 備有放卡片的位置及有拉鏈的間隔，放紙幣、硬幣都得！
▲ 分別有黑、桃紅、粉紅、薄荷色 4 名，每款售價 HK$429。
▲ 如果只需放手機，可選擇這個型格 Smart Wallet。
▲ 除了備有放信用卡的位置，還可放入 iPhone 5、GS3 等電話。
▲ 放入手機後還可以聽歌。
▲ 備有 Hot Pink、粉紅、深藍和橙 4 色，每款售價 HK$299。
衝上雲霄 Anti Skimming Passport Wallet
小妹去旅行就一定會用 passport 套，喜歡把所需證件放在一起，找起來更容易。上學的朋友都可能有學生證、住 Hall 卡等，用這個 passport 套集合起來就十分方便喔！
▲ 備有奶白、藍色、粉紅和橙色 4 款，每款 HK$249。
查詢： Ks Creation International Limited (3626 9955)
分享到 :
最新影片
