我串哥都唔係只識罵人嘅，都想為 unwire 讀者謀下福利。今日係 iPad mini Retina 推出嘅日子，睇到 unwire 之前講 3HK 出咗上台 plan，於是放工後就去旺角 3 仔門市探下朋友，順便睇下有機賣未。果然 +x 哥嘅伙記真係有效率，我 10 點幾到舖，佢哋話 32GB 同埋 128GB 版本已經率先到咗，16GB 就要遲啲，最快都要聽朝。
本來我都無諗過買，但係舖頭見到部新機嘅 Retina 芒清咗咁鬼多，即刻搵朋友幫我出返部 32GB！而家袋袋平安番咗屋企，準備開箱玩機囉！可能有人會問：點解我串哥唔等 16GB 先出？抵好多喎！我自己就咁睇：一來 iPad 無得插卡，而且而家 support Retina 嘅 game 愈來愈大，有啲甚至過 1GB！16GB 對於又鐘意打機又鐘意睇高清片又會聽 AAC Lossless 歌嘅我，點夠呀？最少都買 32GB 啦！況且，32GB 都係 $0 機價唧，只係簽多兩個月約，我又唔介意喎！唔講住啦，開機玩先，遲啲再傾！Retina……Retina……
Tim Cook：中國是全球競爭最激烈市場 但仍看好 AI 能回復消費者信心 外媒指 Apple 下週或公開新 AI 6 月 WWDC 將有詳盡公佈 挖角多名 Google AI 專家 Apple 瑞士蘇黎世設神秘實驗室