BB 一天天長大，做父母既最擔心就係 BB 一不小心病倒，佢又唔識得表達自己唔舒服，只可以係咁喊，睇到真係有點心痛，寧願病既係自己。不過有時 BB 扭計並唔係因為佢唔舒服，有時係佢冇安全感、又或者進入猛長期 (growth spurt) ，都會喊到拆天，小弟呢排個 B 成日扭計，瞓低一陣就醒係咁喊瞓，於是我就上網四處搵資料，原來解決方法都幾簡單又幾有效，今次就同大家分享一下！
BB欠安全感
在手機上面網搜尋一下和 bb 喊有關的資料，不難發現除了因為唔舒服、肚餓、嚇親之外，仲竟然有悶同埋欠缺安全感，前面的解決方法就只好對症下藥，帶佢睇醫生、餵佢食野、定驚等等，而後者則需要大人更多的照顧，不過相信各位爸爸媽媽都未必一定有時間可以無時無刻咁「一喊即抱」，有時即使你抱佢佢一樣係咁喊，喊到人都直埋，有時真係比佢嚇親，於是小弟上網一搵，發現原來 BB 好容易因為環境陌生而欠缺安全感，而竟然 BB 聽到一Ｄ家庭電器聲響，好多時都會乖乖收聲，大家估下係咩？以下便為大家開估！
在 Google Play 搜尋「安撫 BB」就可以搵到大量相關的免費 Apps。
風筒、吸塵機聲最有效
原來 BB 聽到風筒聲、吸塵機、甚至係電視樹的雪花畫面聲就會乖乖咁靜落黎，而不得小弟不信，一試之下發現果然有用！有些嬰兒網站指出，原來 BB 係媽媽肚入面有羊水保護，係肚入面原來聽到既聲音同頻率恰好就係同風筒聲、吸塵機聲相似，所以當我係屋企吸塵又或者太太吹頭的時候，BB 都會突然間乖乖咁靜左落黎，當然有時都唔會 Work，但係只要唔係佢唔舒服、肚餓，大部份時間都十分有效呢！而原來 Google Play 上面有唔少呢類專係安撫 BB 的免費 App，當然有些 BB 會對搖籃曲、不同種類的音樂、電視都會有反應啦。不過呢個方法對於初生嬰兒比較有效(0 至 3 個月)，若果大家個 B 成日都扭計猛喊，不妨可以試下呢個方法啦！
SmiRing可以模擬：膠袋聲、電視聲、風筒、吸塵機、水底、心跳、花灑等等，款式齊全而且更可自行錄製特別聲音呢！非常好用。
My Little Baby Vacuum Sounds 則提供簡單的吸塵機、風筒、風扇及水喉聲，可以預設播放時間，BB 瞓左亦不怕浪費電力呢！
模擬媽媽子宮的環境
美國兒科醫師 Dr. Harvery Karp
曾推廣一種「停喊」的方法，是模擬子宮環境及安撫反射，在 BB 耳邊哼出類似風筒的「咮」聲，有效讓 BB 停喊。
城都婦產科醫院護士長
親身做了實驗，在一個出生僅 3 天的 BB 大喊時，給他聽風筒的聲音，竟然慢慢安靜下來。她解釋風筒的聲音跟 BB 在子宮的聲音很似。
