最近 MWC 出咗唔少新機，我串哥就最鐘意 Sony 嘅 Xperia Z2 啦，唔單止外型靚仔，個芒仲終於用番 IPS，鏡頭又用 Z1 嘅 2,070 萬 Sony G 鏡頭，真係未推出先興奮！相信唔少人都想知部機會唔會賣番舊年 Z1 嘅 $5,998 售價呢？我最近就收到可靠線報，部機想賣番舊年個價？應該唔會勒，而且仲會過 6K！不過就唔係好似之前報導咁賣價成部 MBA 咁貴。
當然，大家都唔洗太擔心 Sony 會加好多價，雖然係過 6K，但都係介乎 $6,098 到 $6,198 左右。不過聽番「線報」講，呢個價錢都未最終定實，大家不妨留下言勸下 Sony 唔好跟隨通漲加價，等啲粉絲唔洗買機買到「牙咁痛」啦！
仲有一件事，就係好多朋友都好擔心 Z2 最終黎到香港個陣，會唔會由 IPS 芒變咗做 TFT 芒。個個消息來源就話 Sony 唔會做呢啲傻事，到時大家買到嘅港行 Xperia Z2，肯定同 unwire 記者天恩喺巴塞隆拿睇到玩過嘅 Z2 一模一樣！我咁講，大家就唔需要再擔心啦，係咪？
【現場評測】Sony FE 24-50mm F2.8 G 現埸實試 新焦段+輕巧+畫質媲美第一代 G Master 外媒證實 PS5 Pro 傳聞 預料或在今年年底推出 俄羅斯普京促自主研發遊戲機 要能夠與 PS5、Xbox Series X|S 抗衡