各位 unwire.hk 的讀者你好，我是 Renee。大家都知啦，女仔鐘意自拍是常識吧！而近年的智能手機鏡頭質素愈來愈好，而且又有好多美顏好玩自拍功能，令我都決定放低部「大牛龜」相機，改用手機拍攝。就好似最近買的 Sony Xperia T2 Ultra，拍攝質素好之餘，又有好多自拍美顏功能同埋拍攝特效，真是好好玩。現在就等我為大家分享如何利用這部愛機影低靚靚自拍相啦！
大家都知啦，女仔除了喜歡玩自拍，都鐘意用大芒手機，沒辦法啦，誰叫女仔特別喜歡追劇睇片！Sony Xperia T2 Ultra 售價不昂貴之餘，又有一個 6 吋大熒幕，還要同時採用 IPS 及 TRILUMINOS Display 技術，不但顏色靚，而且可視角度好高，無論在床上躺著、趴著、座著、甚至與朋友仔一齊追劇睇片，都無問題啦！
▲作為女仔，又點可以無部大芒手機係身，方便隨時追劇睇高清片呢？Sony Xperia T2 Ultra 的 6 吋熒幕，就最適合啦！
▲熒幕不只夠大，仲要用 IPS 技術同埋 TRILUMINOS Display 技術，顏色又準可視角度又高，正呀！
好多朋友會話：「女仔用大芒手機，手仔細細怎能單手操控呀？在港鐵、巴士上要用電話要用雙手，好麻煩呢！」其實我覺得可不可能單手操控，完全與熒幕有多大沒有太大關係，至少在 Sony Xperia T2 Ultra 上，就完全無這個問題，因為它設有「單手存取通知」功能，只要快按兩下 Home 制，本來在熒幕頂部的通知訊息及快速鍵，就會移到熒幕下方。此時要開關 Wi-Fi、藍牙，又或者有朋友傳 WhatsApp、LINE 訊息來要睇，只須單手就可以按得到或睇得到，好方便哩！
▲有「單手存取通知」功能，要單手操控大芒手機，easy job 啦！
【現場評測】Sony FE 24-50mm F2.8 G 現埸實試 新焦段+輕巧+畫質媲美第一代 G Master 外媒證實 PS5 Pro 傳聞 預料或在今年年底推出 俄羅斯普京促自主研發遊戲機 要能夠與 PS5、Xbox Series X|S 抗衡
正如我之前所講，女仔今時今日買電話，影相質素要高之餘，還要功能夠多！就好像 Sony Xperia T2 Ultra，它就設有多種自拍模式，無論用前置還是後置鏡頭，都可以用到內置的 10 款美顏模式，而且這 10 款美顏模式不是瘦面美白咁簡單，而是可以自動加入柔膚、日妝、自然、可愛、煙燻眼（Smoky Eyes）等效果。想在化妝前要試試效果，看看那個妝容與所穿服裝較為配襯？以後就不用先化妝拍下相片再 upload 上 Facebook 問朋友意見了，直接在熒幕上睇同埋襯就得啦！
另外，如果在家中想玩自拍，愛美的我以前往往要先化妝再拍照，現在即使素顏「上陣」，只要用了這些美顏模式功能，都可以模擬到化妝後的效果，在家中玩 selfie 就更方便啦！
▲美顏模式有多種效果可以揀，就等我揀番個襯衫的妝先！
▲ 這個是【古典】妝容，襯不襯我呢？
▲Wild 少少的【煙燻眼】妝又襯唔襯我呢？現實生活中我比較少化這個妝容，但有了這部電話我可以盡情試不同的妝容了。
▲這個是【古銅】妝，喜歡想曬黑但又曬不黑的朋友呢！
▲【活力】的妝容顯得雙眼有神，瘦面效果也更顯著呢！
▲不過，我還是比較喜歡【可愛】的妝容，粗眼線，睫毛長，夠晒cute！
除了美顏模式之外，Sony Xperia T2 Ultra 的相機都仲有很多有趣功能，就像 AR Effects，就有多種有趣虛擬實景拍攝場景，即使與朋友食飯或者走在街上，也可以模擬在派對合照，又或者影張四周有各種海洋生物包圍的「潛水」相，好過癮呀！
▲有多種 AR Effects 揀，影相樂趣自己更多 fun 啦！
如果想影自拍相有更好質素，當然是用機背主鏡頭啦！不過看不到熒幕，要影張靚靚自拍相，就算好像高手的我也會感到困難呢！幸好 Sony Xperia T2 Ultra 設有倒數自拍功能，只要在「實時美顏」模式時揀「自拍語音指南」，再選擇是一人、兩人還是兩人特寫（視乎是單人自拍還是與朋友一起自拍啦！），然後按語音指示移動手機位置，只要靚樣處於熒幕的黑影位置，再等 3 聲倒數就可以了，要影一張靚靚自拍相就是這麼簡單！
▲有「自拍語音指南」功能，即使無人幫手影相，自己要用機背主鏡頭玩自拍都超簡單！
▲想同朋友或者公仔玩自拍，都一樣可以用「自拍語音指南」哩！
這部 Sony Xperia T2 Ultra 拍攝效果這麼多，介面又易用，趁著過幾日母親節，真是心思思想買多部送給我最愛的媽媽，因為我媽媽出門平時很懶，甚少打扮，現在可以用母女機不特止，她又可以扮靚靚喎，一定很開心啦！嘻嘻！
【現場評測】Sony FE 24-50mm F2.8 G 現埸實試 新焦段+輕巧+畫質媲美第一代 G Master 外媒證實 PS5 Pro 傳聞 預料或在今年年底推出 俄羅斯普京促自主研發遊戲機 要能夠與 PS5、Xbox Series X|S 抗衡
