「平價手機」發展至今已經唔係單純平就吸引，因為好多大廠都推出很便宜的入門 4G 手機，正如這次試玩的 Sony Xperia E3 僅售 $1,598，支持 4G LTE 外，外形設計更有幾份似 Xperia Z3 添！（以下有更多資料。）
外形似膠版 Z1 Compact
向來「平價手機」都唔太著重設計，但這次試玩 Xperia E3 就用了 Xperia Z3 的設計，而且還配搭搶眼黃色及古銅色，遠睇仲以為係 Z1 Compact 咁。不過，拿起之後就會發現機身四邊都係膠製成，機身比較厚（比 Z1 Compact 薄少少），而且冇任何膠塞，可見此機不支援防水。手感方面，拿起感覺相對於 4.5 吋手機如 Moto G 稍重，單手可輕鬆操作，但屏幕上下邊框就感覺厚少少。
▲ 黃色 Xperia E3 感覺跟 Sony 之前推出的 Z1 Compact 有點相似。
▲ 4.5 吋屏幕機身，單手操作完全無難度。
▲ 機上不設防水膠塞，大家買機唔好諗住試防水。
▲ 背蓋可以拆開，但只可插入 Micro SIM 及 MicroSD 記憶卡，而機內 2,330mAh 電池就不能替換。
性能普通 屏幕低清
Xperia E3 雖然只係一部入門 4G 手機，但它仍搭載 Qualcomm Snapdragon 400 及 1GB RAM 等配置，配合 Android 4.4 操作都仍算順暢。不過，此機弱點係 4.5 吋屏幕只備 854 x 480 解像度，小編 齋睇 Wallpaper 已經稍為見到「粒粒」，幸好佢係 IPS 可視角度夠闊，睇網頁文字感覺不至於很爛，但這個年頭用慣高清「大芒」來說實在有點不慣。其次，機內只有 4GB 儲存空間，實際可用只有 1.1GB 左右，今時今日 Android App 咁大食確實唔太夠用。
▲ 搭載 Qualcomm Snapdragon 400 及 1GB RAM，於 Antutu 可錄得 18,166 分，成績跟其他入門手機差唔多，但機內只有 4GB 儲存空間就唔太夠用。
▲ 屏幕只備 854 x 480 解像度，相比 720p 睇字的確唔算好 Sharp。
▲ 機內依舊備有 Stamina 節能模式。其次 4G LTE 仍只針對本地 FDD 制式。
相關文章:
【評測】PS5 Pro / PlayStation 5 Pro 詳細效能評測 實機遊戲 60fps 畫面 + 新光追效果放大睇 + 打機溫度噪音 【開箱】PS5《女鬼橋二釋魂路》實體版 隨附 OST + 製作紀錄書 傳 Sony 有意收購角川 旗下擁有 FromSoftware 以及大量人氣 IP
相質尚可 功能行先
Sony 手機好多都以相機作賣點，但 Xperia E3 就只配備 500 萬像素鏡頭，數字上比同價手機低（好多機都 800 萬起跳），但小編 試拍過後相片質素都過得去，只是快門有點遲緩。除此之外，機內預載多款拍攝模式如 AR 效果，TimeShift Burst 及「智 Social」等等，功能跟其他 Sony 手機差不多。
▲ 機背配備 500 萬像素及單 LED 補光燈。
▲ 雖然相片只有 500 萬像素，但在電腦放大睇細節都算清晰。
▲ 入門機都有得玩 AR 效果是意料之外。
小編 ：平機樣靚 尚欠屏幕
考慮得這個價位的手機都會太高要求，其實 Xperia E3 各方面都評價都比較平均，有外型、有性能（普通），但缺點係屏幕只有 854 x 480 解像度及只備 4GB 儲存空間，不然僅售 $1,598 都幾抵用。
售價：$1,598
查詢：Sony（8203 8863）
相關文章:
【評測】PS5 Pro / PlayStation 5 Pro 詳細效能評測 實機遊戲 60fps 畫面 + 新光追效果放大睇 + 打機溫度噪音 【開箱】PS5《女鬼橋二釋魂路》實體版 隨附 OST + 製作紀錄書 傳 Sony 有意收購角川 旗下擁有 FromSoftware 以及大量人氣 IP
分享到 :
最新影片
