一直以來「噴墨打印機」印象都係墨水貴、好快冇墨，搞到近年大家都轉用幾百蚊一部的「雷射打印機」。不過，今日 Epson 發表原廠連續供墨系統（CISS）的噴墨打印機，賣點係一套墨水就可印多達 6,500 頁，而且墨水每支只須 $68，成本甚至比碳粉更平。（以下有更多資料。）
如果大家有行過腦場都應該會見過「山齋」的連續供墨系統（CISS），而今日 Epson 發佈的 L455 及 L850 就係少有原廠 CISS 噴墨打印機，它們設計都是旁邊附設「墨水箱」，可容納比一般墨盒更高幾倍容量墨水，以 L455 為例一組墨水就已經可印 4000 頁（黑白）或 6,500 頁（彩色）文件，相比一般墨盒只印到數百頁多很多，況且每支墨水成本僅 $68，即使要來印相片成本都可壓至約 $0.5/張，加上打印速度有 33/15 頁，速度絕對唔慢過入門「雷射打印機」。此外，L455 比兩款低階型號 L350 及 L355 主要多了屏幕，同時亦支援 WiFi-Direct 列印功能，可不經電腦用手機或平板直接列印。
至於 L850 係另一款 CISS 高階型號，同 L455 最大分別是改用 6 色墨水箱及最小墨點為1.5微微升，打印速度亦提升至 37/38 頁，因此特別適合用來打印相片。此外，它擁有更大 2.7 吋屏幕，支持 SD 及 USB 裝置列印，但沒有 WiFi 或網絡功能。此外，L850 墨水容量會少一點，黑白及彩色可列印約 3,000 / 5,400頁。
售價：
$1,738 (L455)
$2,998（L850）
查詢：Epson（2827 8711）
分享到 :
最新影片
