小編：「金屬機手感佳外形先決者優先」Samsung Galaxy A5

作者

David
發佈日期

2014-12-11
閱讀時間

7分鐘
字體大小

今日 Samsung 發表全新 Galaxy A5 及 A3 兩部新機，雖然佢地只係中價機，但機身反而金屬製，除了外表唔同咗，究竟佢仲有咩特別之處呢？（以下有更多資料）

似 Note 4 但更輕更薄

金屬機向來都唔平，但 Samsung 這次推出的 Galaxy A5 反而改為金屬製，邊框感覺有點似 Note 4，但拿起感覺好薄頗輕，而且機背都係金屬製，質感跟以往 Samsung 機完全唔同。此外，Galaxy A5 亦一改 Samsung 機多年傳統，設計竟然冇得拆蓋換電，取而代之 SIM 及 MicroSD 卡槽都放在旁邊，更換時須用針頂出，而且它亦好似 Mate 7 咁 MicroSD 卡槽可放入 Nano SIM，但缺點是雙 SIM 時就冇得插 MicroSD。

▲ 拿起感覺有點似 Note 4，但更輕更薄，而且 5 吋屏幕單手操作亦更輕鬆。

▲邊框僅 6.7mm 厚，雖然唔算超薄，但手感好唔錯。

▲ 機背都係金屬製成，估此手感有別之前 Samsung 手機。

▲ Galaxy A3 / A5 不能再拆蓋換電，內建電池為 2,300mAh，卡槽都搬到機身旁邊，其中 MicroSD 卡槽可選擇放入記憶卡或 Nano SIM。

自拍功能「升呢」

除了金屬機身，Galaxy A5 另一賣點係有唔錯的自拍功能，前鏡頭有 500 萬像素，除了支持 Note 4 有的 Wide Selfie 外，還加入聲控及手勢快門功能，前者都係講下 Shoot、Cheese 等字眼，而後者在鏡頭前張開手就會自動倒數，方法跟 LG G3 有點相似。此外，自拍模式仲有「美顏」功能，除了美白，還可瘦臉及加大眼睛，女士們一定至愛。

▲上圖是原圖，下圖是用了輕度「美顏」模式拍攝，效果都算明顯，而且有十級任意調整。

▲ 跟 Note 4 擁有 Wide Selfie 模式，想一班人自拍都冇問題。

▲ 主鏡頭的拍攝選項跟其他 Samsung 手機差唔多。

▲ 主鏡頭為 1,300 萬像素，對焦反應都幾快，相片雜訊低，但細節有少少「油畫」。

▲ 主鏡頭設計凸出機身。

相關文章:

【評測】Samsung Galaxy S24 FE 詳細評測　機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩

【評測】Samsung Galaxy Tab S10 Ultra 開箱評測　機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高

市調：全球智能手機用戶穩定增長 iPhone 預期 2027 年全球最多用戶

靚色 AMOLED 屏幕中港網絡通吃

Galaxy A5 只係一部中價機，配置上它擁有 5 吋 720p Super-AMOLED 屏幕、Qualcomm Snapdragon 410 及 2GB RAM，性能實際比 Snapdragon 400 高少少，於 Antutu 大約有 22,000分。不過，值得一提是屏幕質素都唔低，顏色冇特別偏色，而且對比度相當高，感覺拍得住 Note 4 / S5 但只有 720p，而小編最 Like 係屏幕有調色及灰階畫面，要來睇電子書就更省電。最後，此機支援雙卡雙待及 5 模 17 頻．當中已包括 TD-LTE 及 TD-SCDMA 內地 3G / 4G 制式，因此中港兩地使用都冇問題。

▲ 僅搭載 Qualcomm Snapdragon 410 及 2GB RAM，於 Antutu 可錄得約 22,000 分，成績跟「平價手機」高少少。

▲ 雖然只有 720p，但這個 Super AMOLED 屏幕顏色跟 Note 4 接近，相比小編自己的 Galaxy K Zoom 感覺差得遠。

▲ 可以調整畫面顏色。

▲ 小編最 Like 的灰楷模式，要來睇書非常好！

▲ 支持雙卡雙待功能，但缺點是用雙卡就冇 MicroSD。

a5021

▲ 另一款 Galaxy A3 設計其實跟 A5 很似，只是屏幕縮細至 4.5 吋 (960 x 540)，規格改為 1GB RAM 及 800 萬像素主鏡頭。