這部手機早前上了很多港聞版，因為普京送給習總的禮物。好多人睇電子書會特別帶部 Kindle 出街，原因純粹係 e-ink 屏幕睇書舒服好多。不過，來自俄羅斯的 YotaPhone 2 今日係香港正式推出，佢賣點係將 e-ink 屏幕整合到機背，唔知一機兩用設計用落感覺係點呢？（以下有更多資料。）
YotaPhone 2 係首款結合兩款屏幕的手機，或許大家聽見都會覺得部機一定好厚，但小編 發現實物唔見得比普通手機厚，原因係佢把 EPD 聰明地放係機背中心，屏幕會比機面細一點，但重點係唔會好似「餐肉罐」唔好楂手。此外，手機拿起完全重，外殼由膠製成，手感及弧邊設計都令人想起 Moto G / Moto X，而基於雙面屏幕關由，機內可空間不多，底蓋不能拆開，而且亦冇多餘放置 MicroSD，唯一的 SIM 卡槽亦整合到音量鍵裡，這個設計都真少見。
▲ 5 吋屏幕機身，單手操作完全不性問題，但手感及弧邊設計就容易零令人聯想起 Moto 機。
▲ 設計為節省空間，SIM 卡槽將整合到音量鍵裡。
其實 EPD 早在 Kindle 電子書就廣泛使用，優點是省電、唔怕反光，睇文字的確比任何屏幕都好，但 YotaPhone 2 這次把 EPD 搬到手機機背上，屏幕為 4.7 吋 960 x 540 解像度，以 EPD 來說密度都唔算低（密度跟 Kindle PaperWhite 接近）。不過除了睇書，YotaPhone 2 最強是可以把 Android 轉到機背 EPD 屏幕操作，觸控式面板可讓你照常使用，但反應時間就會比正式屏幕慢很多，正如掃動桌面下一頁就好次睇書翻頁咁，因此除了睇書、睇網頁及玩一些靜態遊戲外，大家都唔好期望係 EPD 睇片及轉珠。
▲ 機背屬 4.7 吋 EPD 屏幕，平常閒置時可收看時間及天氣。
▲ 透過 YotaMirror 把 Android 畫面只切換至 EPD 上操作。
▲ EPD 屏幕用途都係離不開睇電子書，好處是太陽下都唔反光又省電。
▲ 可以隨意更改 Cover 及 Panel 的封面 Background，
▲ 在使用 EPD 屏幕啟動相機就會變成用後鏡頭自拍…
賣得 $6,000 部 YotaPhone 2 配置當然唔會太差，機面用了 5 吋 1080p AMOLED 屏幕，顏色比 Moto G 在鮮艷一點，機內搭載 Qualcomm Snapdragon 800、2GB RAM 及 32GB 儲存空間，跟 Android 4.4 及原裝 UI 介面，操作極之順暢，加上除了 EPD 相關程式，大部分 App 都是 Google 原身，因此唔會佔用太多空間。此外，此機亦支持 4G LTE 及 VoLTE 制式，而且電池差不多耗盡時，它還有 YotaEnergy 可把主要功能轉到 EPD 並額外延長多 8.5 小時用量。
▲ 搭載 Snapdragon 800 及 2GB RAM，於 Antutu 都錄得約 34,000 分，成績都唔算太差。
▲ 操作介面屬原裝 Google UI，除了 Yota 跟的程式，其他都跟 Nexus 或 Moto 的差不多。
▲ 機內只有少量 Yota 專用程式。
▲ 主鏡頭為 800 萬像素，介面屬 Google Camera，對焦反應普通，但相片細節及銳減度都唔錯。
YotaPhone 2 將 EPD 整合到機背的概念很實用，因為唔少人用手機都係睇書、睇網頁多，有了 EPD 又唔傷眼又省電，一舉兩得。不過，小編 認為 YotaPhone 2 美中不足係兩面屏幕都唔夠大，特別要來睇書感覺始終唔及 Kindle 的 6 吋屏幕「順眼」，如果佢追加 5.7 吋屏幕 + 5.5 吋 EPD 效果應該更好。不過，講到底 YotaPhone 2 最大問題係定價 $6,000 都機貴，一般人好難接受用大廠機價錢買唔太熟識的品牌。
售價：$5,999
查詢：ECS（2612 2673）
