近年的智能手機，能裝 APP 可上網最平都要差唔多 1 千蚊。但大家有冇諗過 HK$250 有找已經可以買到一部可以上網的手機？Microsoft 就剛宣佈推出 Nokia 215，售價只是 US$29（約 HK$226），但已可上網、搜尋資料、睇天氣、甚至玩 Facebook 或 Twitter，好抵玩！
這款 Nokia 215 手機，採用了 Nokia S30+ 作業系統，而且支援雙 SIM。規格方面，它配備 2.4 吋 QVGA 解像度熒幕、VGA 解像度相機、內建手電筒功能及支援最高 32GB microSD 記憶卡。它配備了 1,100mAh 容量電池，可提供最長 20 小時通話時間及 21 日待機時間。
Nokia 215 提供綠色、黑色及白色 3 種顏色選擇，預計會在今年第一季於中東、非洲、亞洲及歐洲部分重要市場率先推出。唔知屆時香港有冇份呢？呢部手機買俾屋企長輩或者小朋友用，都真係幾唔錯的選擇。
ASUS 將於 20/5 舉行發佈會 推出 Snapdragon X Elite 便攜筆電 Microsoft 進行網上問卷調查 Xbox 手提遊戲機有望推出 Microsoft 推 Phi-3 Mini 微型 AI 模型 可於智能手機上運作
