外置硬碟向來給人印象都是一個盒，但偏偏 LaCie 就鐘意將沉悶產品變得有設計品味，繼之前球形 Sphere 後，最近它們再推出 Mirror，顧名思義產品具鏡子元素，連平時唔多留意電腦產品的女同事都爭住黎研究。（以下有更多資料。）
一個木座及一個鏡面金屬盒，相信好多人都估唔到會係電腦產品，因為它的設計實在好似百貨公司看到的水晶精品。當然唔洗多講，那個鏡面金屬盒就是硬碟本體，雖然體積唔似女仔用的鏡盒，但說成座檯鏡都很貼切吧！它內建了 1TB 硬碟，邊框旁邊附設 USB 3.0 介面，用法都係插線接駁到電腦，不過避免亂放會刮花鏡盒
它特別附跟一個木製底座，設計有點似 Sony 手機充電座，鏡盒可放到凹位上，一來可固定機身，二來可當成座檯，而且前方還有多條坑位，可以擺放原子筆、唇膏等物品，故此無論貪靚女士或講求品味的男士都適合。
▲機旁會有 1 組 USB 3.0 接口。
▲機旁的 Lacie 在硬碟讀取時會發出白光
▲ 連接電腦需在旁邊駁線，如果線可以改到底座接駁就更美觀。
▲ 木製底座前面的坑位可擺放筆等物件。
▲ 女士們可以隨時拿來補妝照照
▲安裝精靈可協助分割硬碟及設定備份。
▲ 讀寫速度大約有 112.1MB/s 及 112.2MB/s。
售價：$2,380
查詢：Microworks (2950 0175)
