自從穿戴式裝置流行以來，各廠商都密鑼緊鼓推出自家的產品，而手機大廠 HTC，就在今次發佈 One M9 的同時，與 UA Record 宣佈合作推出針對半專業運動員而設的 HTC Grip 運動手帶。究竟佢同一般運動手帶有咩唔同？就等天恩帶大家去現場睇睇。
配帶感覺舒適
天恩把 HTC Grip 帶上手後，立即感到跟其他手帶所不同。首先表面材質的感覺是硬中帶軟，手帶底部有一些突起的格紋，減低汗水後「絕手」的不適問題。而且 Grip 支援 IP57 防水設計，就算流汗或者落雨跑步時用都唔驚整壞。
至於 Grip 的熒幕，在日光下其實開 3 格光源是可以睇到的，而且掃左掃右反應都算唔錯，但禁落去就似乎唔太靈敏，有時天恩要禁幾次先有反應，呢一方面真係有待改善。
容易使用
使用起來，HTC Grip 都好簡單，基本上手機的介面操作就是樹狀式設計，用家可以在最頂層選不同的功能，然後往下拉進入相關選項，要退出可直接 Home 或掃上重回頂層，好易上手。至於充電方面，就需要使用跟機 adapter，使用以 USB 線接駁電腦、外置充電池或者火牛。各位 unwire.hk 讀者看以下影片 :
▲可以外接心跳計
▲充電時需要使用跟機 adapter 線
內置 GPS 獨立運作支援多種運動模式
Grip 另一項與其他運動手帶唔同的地方，就是它可以完全獨立運作，唔洗接駁住手機先用到，因為它內建了 GPS 晶片，配合內建的 100mAh 容量電池，可以持續使用長達 5 小時。咁樣大家運動時，Grip 就可以準確地紀錄行走路線、距離、速度及消耗了多少卡路里等數據，並與 UA Record 連接同步數據到雲端儲存。它亦支援不同運動，迎合不同運動愛好者的需要。
另外，Grip 亦可以與其他運動裝置接駁，例如：Under Armour 的 A39 心率偵測系統，讓運動員可以更準確地偵測到運動時的心跳率並紀錄下來，方便監測運動效果。
睡眠質素都可偵測
HTC Grip 除了在運動上可以幫到大家外，日常生活亦是一個好助手。它配備了 1.8 吋曲面 PMOLED 熒幕，如果用家收到訊息通知，都可以在熒幕上閱讀內容。此外，它亦擁有自動感測睡眠功能，大家只要睡覺時也戴著 Grip，它就會紀錄何時進入淺層、深層睡覺，讓大家規劃睡眠週期。而在充滿電的情況之下，HTC Grip 可連續使用最長 2.5 天，足夠一般用家使用。
HTC Grip 軟件支援 iOS 及 Android 雙系統，換言之大家唔洗一定買 HTC 手機都一樣用得著。預計 2015 年春季會開始在北美推出，售價 199美金，相信香港的推出日期，亦應該不遠吧。
分享到 :
最新影片
