相信大家用智能手機都會用手機殼，一來保護機身沒那麼容易被刮花，二來有些手機殼更有不同的「特異功能」，不過一般都偏向實用為主。不過今日 HTC 就更新了 Dot View 程式，只要下載相關遊戲，更可以在手機殼面打機，仲要係勁懷舊的「撞磚」！Edward 就親試了這項功能，以下有更多資料：
安裝方法好簡單，其實只要下載 HTC Dot Breaker 隻 game 就 OK 了，不過除咗咁之外，仲要更新 HTC Dot View 隻 APP，如果唔係係玩唔到的。
HTC Dot Breaker 下載連結：https://play.google.com/store/apps/details?id=com.htc.dotbreaker
▲安裝後進入 HTC Dot View 程式，然後點按左上角三橫線按鍵，再選擇「應用程式」，就可以睇到「炫彩撞磚」。
▲然後就可以入到 game 啦！
▲揀好想玩的關數。
▲然後蓋上 Dot View Case 的面蓋。
▲玩得！只要向左或右擰部手機，就可以移動下面的撞板，而向上畫就可以射出撞球，遊戲中向下畫就可以暫停遊戲。有個秘訣提提大家，玩呢款遊戲時，大家有時會睇到有舊紅色嘢跌落來（如上圖 HTC 字旁的紅色嘢），只要用撞板接住佢，就可以加命。
▲完成遊戲，就會出現 You Win 字樣，點按 Next 就可以去玩下一關。
