今日起一連 5 日於中環新海濱活動場地會舉行「香港數碼生活嘉年華」及「添馬紅酒佳餚節」，前者「嘉年華」跟電腦節差唔多，場內都係佈滿發售電腦產品的攤位。不過，小編下午就去過視察現場，發現戶外環境令嘆為觀止！
著「Jordan」或「復刻限定版」者小心
風和日麗，嘆住紅酒、買 Printer 可能係「香港數碼生活嘉年華」想營造的環境，但琴晚突然落起雨來，令戶外「嘉年華」感覺就好似「恆指」升 1000 點錯過入貨嘅心情差唔多，但換轉你係小編帶傘入去都濕晒褲腳返出黎就會明白個中感受。
話說今日下午去「嘉年華」，因為天雨加上部份場地是沙地的關係，某些區域積水泥濘，地面又佈滿紙皮，雖然小編唔係著對「Jordan」，但入去肯定要有(對鞋)必死嘅決心，落雨的日子去的份外注意了！
成千部 Notebook 入水點算 ?
小編係入面兜咗幾個圈，發現攤位都係見慣果啲 Notebook、記憶卡之類，又是一個「散貨場」。不過唔同的係今次散得黎隔黎又有好多美食野，果邊「掃完街」之後去買電腦平貨又幾好，不過都係果句要天工做美啦，唔係落住雨就好難邊行邊食了。
但最令我嘆為觀止係場內有一個「數碼港編 Code 新世界 1000」的活動，明天開始一千人係呢度用部 Len 記 Notebook「揼」Code，但這裡無遮無掩，如果落雨部 Notebook 又唔防水，好易變成「千人壞腦盛會」，贊助的品牌真係唔知好嬲定好笑！
分享到 :
最新影片
