近日開始熱起來，相信大家都感受到夏天快要到來，而風扇相信唔少人係屋企都已經準備好了吧！但大家有冇覺得有時去到啲大嘅地方，好似就算開了冷氣都點吹唔涼？其實唔係壞冷氣，只係空氣流動不足而已。最近 Panasonic 就推出了一款奇形怪狀的球體風扇，這款名為「Q」的產品，聲稱可以輸出 7 倍風力！如果焗嘅地方放了佢在冷氣旁邊，咁就舒服哂啦！
據官方表示，當空氣從特製的通道走進風扇時，會進入「Turbofan」系統，當空氣被釋出，表面的各個小洞就有助產生額外的氣流，令風力加大，從而做到輸出風力比輸入風力大 7 倍的效果。它的風力可以說是剛剛好，是屬於「自然風」的感覺，不會太大亦不會過細。
不過大家不要以為這款風扇會很便宜（其實睇個樣都估到唔荒平！），Panasonic 將它定價為 US$330（約 HK$2,558）！並設有紅色、金色及白色 3 款選擇。雖然它是 MIJ（Made in Japan），但大家覺得 2 千幾蚊買部風扇，值得嗎？（其實小編已經可以買番 10 把 8 把風扇對住自己吹了……）
來源：Panasonic
