Google 在今日舉行的 Google I/O，亦宣佈推出全新的相片管理軟件 Google Photos。究竟有咩新功能？而家 Edward 就同大家講講。
更方便瀏覽相片
以往的相片 APP，如果要找回以往的相片，就要慢慢 scroll down，十分麻煩。新的 Google Photos，就可以用放大縮細，令大家可以用拍攝時間找回相關相片。用家亦可以上下滑動熒幕右方，就可以快、慢速移動，只須數秒就可以移動到十幾年前拍攝的相片，好爽！
▲可按時間搜尋相片。
▲透過拉動熒幕右方，更可以幾秒內搜尋到十幾、甚至三十年前指出的相片哩！
更多搜尋選擇
另外，搜尋相片方面，Google Photos 亦加入更多選項。不但可以透過關鍵字搜尋相片，更可以透過地點、人物（不用自己 tag，系統會自己 detect）、事件等搜尋相片。以後要找相片就再無藉口搵唔到了（除非你已 delete……）。
相關文章:
【教學】iOS 18.2 香港如何用 ChatGPT 詳細方法 + 機種限定 Google Veo 2 AI 影片生成懶人包 圖片變影片 + 物理模擬極真實 + 穩定生成單一角色 Gemini 2.0 Flash 登陸 Android 開放公開測試升級 AI 助理體驗
更容易分享相片
以往要分享相片，不外乎透過 MMS、電郵或者分享到 Facebook、Twitter 等社交平台。而在 Google Photos，就加入了「Get link」分享功能，只要整理好相簿，再分享相關連結給朋友，朋友就算無用 Google Photos，都可以睇到相關相片。如果有用 Google Photos，更可以點按藍色下載按鍵，將相簿放進自己的相簿內，以後要分享相片，就唔洗透過 Facebook 或者 WhatsApp 逐張傳送了。
一拉全選相片
另外，如果想選擇相簿內所有相片，Google Photos 亦加入全新手勢，只需要點按最左上角的相片，然後向熒幕右下角拉，就可以選擇所有相片，十分方便。
快速編輯相片或自製影片
另外，Google 亦強化了手機上編輯相片、影片等功能，令大家唔洗抄到電腦，在手機或平板上已經可以編輯相片或影片。另外，它亦會自動建立不同的短片，讓大家更方便將最特別一刻分享給朋友欣賞。
今日稍後推出，無限量上傳！
Google 更宣佈將會在今日稍後時份推出 Google Photos，無論是 iOS、Android 或電腦（透過網頁）上都用得到。而大家可能會問：十幾年前的相片都可以搵到，邊有咁大空間？莫非又要霸住 Google Drive 空間？沒想到 Google 在記招中宣佈可讓用家無限量上傳相片，最大支援 1,600 萬像素相片及 1080p 影片，而且是儲存著無壓縮的相片及影片，這絕對是德政哩！
稍後推出時，我們會再為大家實際上手測試 Google Photos，想知用落係點就唔好錯過我們之後的評測啦！
相關文章:
【教學】iOS 18.2 香港如何用 ChatGPT 詳細方法 + 機種限定 Google Veo 2 AI 影片生成懶人包 圖片變影片 + 物理模擬極真實 + 穩定生成單一角色 Gemini 2.0 Flash 登陸 Android 開放公開測試升級 AI 助理體驗
分享到 :
最新影片
