香港人生活忙碌，其實平時返到屋企已經好攰，有陣時可能仲要做野或者想煲劇，就會選擇坐係床將 laptop 放大腿就用。但有啲人會覺得咁唔安全，過熱之餘，而且會拖慢成個系統，但事實又係唔係咁呢？
Digital Trend 做左一個簡單既測試，加熱部分先係用 7-Zip ，重覆壓縮同解壓縮，因為呢類數據會有內置基準工具係處理器上，重覆呢啲動作有助加快發熱；而之後就用 Futuremark 既 3DMark ，呢個係一個圖形測試，當然會令到成部 notebook 變熱尢其係 CPU 。而去到測試部分，就會先擺係一個平坦無障礙物既桌面上，然後就會擺係一個睡袋上，模擬返擺床或擺大腿時既情況。緊住就會透過 RealTemp 去記錄返每個核心﹑ CPU 既溫度，以及每個小時既整體溫度。
測試中總共用左三部 laptop 去測試： Alienware 15, Lenovo ThinkPad T450s 同埋 Asus UX305 。出人意表既係，即使擺係睡袋上用亦無令到性能減低，三部 laptop 亦都無話會自動關機﹑ 重啟等既問題出現。係理論上買個散熱器比 laptop 用唔會提高性能或者穩定性（不過實際上小編都係覺得用左安心啲）。而且測試中顯示出 Alienware 15 最高可以高達 143 度，長時間用真係可能有危險架！呢個測試只係顯示出發熱對系統性能並無明顯影響，會唔會降低部 notebook 既耐用性同發熱程度會唔會對人有傷害就不得而知啦，各位讀者要自己衡量啊！
如果想睇更詳細既測試結果內容，可以按此。
來源： Digital Trend
