仲記唔記得好多年前既暑假，幾乎日日都聽住楊千嬅唱「炸中好麻煩 炸中好麻煩 滿地炸彈」嗎? 但原來唔止炸中好麻煩，連拎個杯蓋都好麻煩！由 7月22號至 8月31號，MCP 新都城中心將會變成炸彈人擂台，白寶同黑寶隊長會帶領紅寶、藍寶、黃寶同綠寶同大家一齊玩遊戲。而小編今日就走去挑戰 4大遊戲，教大家點先可以贏到個限量版 Bomb! Bomb! Bomberman 杯蓋啦！
入擂台前準備
想入去挑戰，最快捷既方法當然係課金啦！只要即日係 2期同 3期商場以電子貨幣消費滿 HK$500，憑最多 2張不同商戶，每張最少 HK$100 既有效發票就有得入場。如果唔想消費都得，不過就要先上新都城 Facebook 專頁挑戰「Bomberman閃避大暴走」遊戲，成功收集從天而降既武器同避開所有障礙物，就可以得到 Bomber 電子通行證，入場挑戰 4大遊戲！
1) 旋轉炸彈疊疊樂
每一回合都有 4個人一齊作賽，要將自己 6個唔同尺寸既炸彈積 2分鐘內疊高係不斷旋轉既遊戲台上，若果整跌左自己或者人地既炸彈積就算輸。
技巧：要手夠定 同 先由大既炸彈積疊起，唔係就好易整跌晒架啦！
難玩度：★★★★☆
2) 轟炸壞「彈」- 滾球機
每個挑戰者會有 3個彩色炸彈，只要將炸彈推下，就會得到不同分數。 3回合成功得到 7分或以上就可以過關。
技巧：呢個遊戲靠運氣為主啊！
難玩度：★☆☆☆☆
3) Bomb! Bomb! 保齡
只要將 2個炸彈打倒合共至少 10個炸彈人樽就可以過關。
技巧：同打保齡一樣，打出既波要夠直同有力啊！
難玩度：★★★☆☆
4) 爆戰狙擊手 – 拋波仔
每次有 5枚彩色炸彈，只要有 3枚炸彈成功扔入敵人既洞穴就可以過關。
技巧：正中間既洞穴比較要拎得入，一於專攻果一格吧！
難玩度：★★★☆☆
只有杯蓋？咁個杯呢？
只要一日內成功通過上面所有遊戲，就可以得到 Bomberman 限量杯蓋一個。如果想要埋個杯，就要由 7月25號起，靠即日係 2期同 3期商場以電子貨幣消費滿 HK$800，憑最多 2張不同商戶，每張最少 HK$100 既有效發票，到商場換領啦，名額得 250個架咋！唔想有蓋無杯，快 D 乖乖課金吧！
< We 嘩! 爆FUN大激鬥>
覺得上面 4個遊戲唔夠喉？ 8月23號將會舉行「爆 FUN 大激鬥」既充氣障礙賽擂台，4位挑戰者將會登上擂台，透過跳躍同和彎腰等動作避開迴轉炮台及道具既攻擊，一唔留神就可能被高速既炮台擊倒而出局。能堅持到最後既一隊，就會成為今屆「彈王」，得到 現金獎 HK$1,000。想參加既就係 7月31日之前，到新都城中心 Facebook 專頁報名吧！
分享到 :
最新影片
