之前 Letv 一直都只係賣電視，但上半年發佈了一系列超級手機，在中國亦已開賣。這一系列號稱為紅米 Note「殺手」的超級手機，似乎就殺到來香港啦！Letv 香港官網已開了超級手機 Le 1 嘅登記頁面，睇來之前傳聞 8 月推出應該極有機。同埋路邊傳聞：部機唔洗 2k？咁又幾抵喎！
如果大家有襟入呢條連結，細心嘅 wire 民應該會發現到一件事：咦？32GB？之前來香港嘅水貨唔係得 16GB 咩？無錯！香港版似乎只會推出 32GB 版本，雖然部機無得插卡，但對於一般用家來講，內置 32GB 容量都應該好夠用架啦！
其實之前 Le 1 有水貨流入香港，都已經引來唔少人搶購，16GB 水貨價仲搶到去成 2 千蚊以上！有可靠消息指，香港行貨會好進取，傳聞唔洗 2k 已經入到手！計一計：中國樂視網買部 32GB Le 1 都要 1,599 人民幣（約 HK$1,994），如果港行最終賣 $1,998，價位差唔多之餘，仲要比中國版好：內建埋所有 Google 服務兼樂視內容，真係幾正喎！唔知大家又會唔會心動呢？
如果有興趣，大家可以點按此登記，咁就可以接收到最新的 Le 1 上市消息，又或者留意住我地 unwire 一樣得！
