平時大家係電視入面見 Bella 林穎彤主持節目就見得多，早前佢就跳出電視框，著住一身 colorful 嘅衫，去咗沙田 Partnershop 同一眾市民大玩遊戲，出盡全力幫佢地贏 55″ SUHD TV 番屋企！
活動當日， Bella 示範咗點樣企係呢部配備納米晶體技術、畫面色彩亮麗豐富嘅 Samsung SUHD 4K 曲面智能電視面前玩「鬥出色」遊戲。同 Bella 一樣著得色彩繽紛嘅市民都輪住走到電視機前面，出盡力，舞動身體同手上嘅彩色絲巾，務求讓系統掃描到更多顏色，以最高分數贏走 55″ SUHD TV 番屋企慢慢嘆。
▲ 圍觀嘅市民望到部色水咁豐富咁有層次感既電視已經心郁郁想出嚟玩啦！
【評測】Samsung Galaxy A55 外形 手感 屏幕 相機 效能開箱評測 Samsung 推 One UI 6.1 更新 S22 也可用 Galaxy AI 【實試】Samsung Galaxy AI 支援廣東話 講電話也能翻譯 + 辨識能力強
係短短一個鐘內，已經有三十幾位市民參加咗遊戲了。除咗著得夠 colorful ，Bella 仲借咗心愛既絲巾同 cap 帽俾大家一齊揮動添！
▲ 未開始，Bella 已經準備好同市民一齊跳！
▲ 睇住大家都跳得咁落力，Bella 都忍唔住喺後面幫忙填補空位。
▲ 大家拎住條絲巾瘋狂咁揮，非常投入！
▲除咗個人賽，情侶檔都一齊上！睇下 Bella 睇得幾肉緊！
▲ 為左部電視，全家總動員都出晒去一齊玩，D 小朋友玩得好開心呢！
喺短短一個鐘既活動入面，最高分嘅竟然係 Bella 同主持人合作示範嘅一次，有五萬幾分，可以話熟能生巧。而 Bella 就同各位 wire民分享咗少少心得。除咗要著得 colorful D，仲一定唔可以懶，要左右前後郁，令成個電視都係顏色，愈多顏色就愈高分。當然，同多幾個朋友一齊玩，互相填補空位就更好啦！
今次活動，大部份市民都有三、四萬分，所以要拎走大電視並唔難。就算各位 wire民錯過咗今次活動都唔緊要，你仲可以係今個星期六、日 (7月 25、26日)，下午 1時至 7時，到活動指定地點及店鋪 ，繼續爭取更高分數，贏走 55” SUHD TV JS9800 或 26” LED TV ！
▲ 唔好玩完就算呀！記得將你嘅成績上載上 Facebook 啊！
▲ 就算分數唔夠高都唔緊要，所以參加者都有環保袋送呢！
如果錯過咗當日活動，可以立刻 Click 入呢條短片重溫：
【評測】Samsung Galaxy A55 外形 手感 屏幕 相機 效能開箱評測 Samsung 推 One UI 6.1 更新 S22 也可用 Galaxy AI 【實試】Samsung Galaxy AI 支援廣東話 講電話也能翻譯 + 辨識能力強
