Unwire Space 創業 Tips:創業與愛情兼得的 5 個方法

讚好此文:

七月 22, 2015 •unwire SPACE

我地真係好明白,創業人士要瞓身落去搞自己的生意,自己連唞啖氣的時間都唔夠,仲邊有時間留俾你身邊的人丫。但無可否認的是愛情(或家庭)同麵包同樣重要,創業唔係去做和尚喎,贏左單生意,輸左頭家,真係值得?愛情秘笈小編就冇啦,但有啲日常的小動作 / 小習慣則可以好好維持關係,不妨睇睇以下 5 點丫!

L2

1.不要道歉

唔好誤會,唔係叫你做壞手勢,有錯唔認。只係我地都知道因為創業,你花左好多時間係盤生意度,有時會忽略左愛人或者屋企,呢個時候道歉真係解決唔到問題,反而如果你趁呢個機會好好地肯定你另一半的地位,例如話,你無法抽時間同另一半出席個仔的幼稚園畢業禮(當然你唔好 surprise 另一半/個仔,突然放飛機),你地見到面個陣應該好好多謝另一半照顧好仔仔,最好親口講埋 「無左你都唔知點算~」,肯定對方的付出,比起說不出的愛不是更感動嗎?

L3

2.打破工作「常規」

盡量抽一定的時間俾愛人或屋企是重要的,因為每一段關係都建立在溝通之上,而任何形式的溝通都需要時間。例如,約定每晚 9 點至 10 點係留俾另一半的,關掉電話,不看Email,那段時間就將自己抽離於工作,不但令另一半放心,更可以從繁忙的工作中找到喘息的空間,對自己也是有好處的。

L5

3.收聲

俾啲時間另一半講下佢地的事情,係呀你可能想同佢地講我今日工作點點點,我個客點點點,好似呢啲對你黎講有「價值」啲,但學會聆聽也是良好溝通之中必備的。如果你發現自己脫離唔到工作 mode,不妨叫另一半幫幫你,或者佢先最明白有咩方法最適合你呢!

L4

4.把另一半放在眼內

不時回顧一下你地的共同回憶,或者不時跟另一半說說你地一起走過的日子,即使你工作到人都癲,你都要不忘告訴他「我地一齊跨越呢個關口」!能夠共患難的人真的不多,要好好珍惜身邊一直支持你的人。

L6

5.留一口氣

或許你覺得每日出盡吃奶之力投入工作先係對創業的尊重,但你必須知道,有人在等你。日日做到成身散晒先返屋企,仲邊有熱情留得低俾你另一半?如果你無法留時間做完野返去同另一半「social」一下,點解唔利用朝早你最醒神的時間,至少和他好好地食個早餐?

 

人要工作,也要生活,去到咁盡,苦了自己,苦了別人。若你為了更好的生活態度 / 生活質素而創業,為什麼還要輸了感情?

來源:Forbes

 

甚麼是 unwire.space ?

unwire.hk 作為生活科技網站,一直有報道科技生活之餘,亦有採訪科技創新企業,試透過我們的綿力推動一下香港創業文化的發展,因此推出類似現時流行的 co-working space 概念工作間 – UNWIRE Space。就在我們位於觀塘區的編輯室旁方便我們採訪報導,Co-working space 結合新媒體宣傳力就是我們與眾不同的 unwire.space 了

<詳情請按此>

 • 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags: , , ,

讚好此文:


Comments are closed.

unwire TV



更多同類文章:

最新文章