Line 係最近推出左新既 Android app Line Lite ，故名思義其實就係 Line 既瘦身版，令用家既可以慳到存儲空間兼數據之餘，亦都可以用到 Line 同朋友保持聯繫！
Line Lite 容量少於 1 MB ，但仍然保留住 Line 最主要既功能包括短信﹑貼紙以及分享相片。不過，佢就唔支持音頻或者視頻既傳送啦，同埋亦唔會見到 timeline 。新既 Line Lite 會先係 11 個國家推出，包括印度﹑墨西哥同埋沙特阿拉伯，暫時香港就仲未下載得住啦。 Line 表示，會根據返當地既用户需求而推出，而且亦都會係將來加入一啲新功能。
今次推出 Line Lite 可以話係聰明之舉，皆因短信 app 呢個市場即將爆滿，各個 app 都想盡辦法爭取多啲用户，而輕量化既應用程式對某部分用家而言有著一定吸引力。
有興趣既用家，就記得留意住 Line Lite既動向，相信好快都會係香港推出！
Line Lite ：下載請按此
來源： The Next Web
