頭先同大家介紹過 Motorola 推出 3 部手機，就等筆者同大家分享番少少有趣又輕鬆的數據啦！原來 Motorola 唔止會出手機，仲會玩「大數據」！最近 Motorola 就綜合 7 個國家的手機用家，發表了一項研究，當中發現原來唔少智能手機用家，覺得玩手機甚至比瞓覺、做愛更重要哩！唔信？一齊睇睇數據話俾我哋知啲乜？
今次調查，Motorola 訪問了 7 個國家（包括：印度、中國、西班牙、美國、巴西、英國及墨西哥）合共 7,112 名成年人，嘗試了解他們本人與智能手機之間的好、壞及奇怪「關係」，並得出以下結論s，唔知大家又會中幾多樣呢？
▲六成受訪者表示就連瞓覺都會拿住部手機。
▲全球有 57% 手機用家就連去廁所的時候都會在用手機，而當中中國更是最高，有此習慣的人達 67%！
▲有 17% 的用家表示就連沖涼的時候都會在使用手機，而 7 個國家之中就以巴西最高，有 27% 受訪者表示有此習慣。
▲5 個受訪者之中就有 1 個（即是 20%）會寧願唔沖涼（18%）、唔瞓覺（19%）或唔做其他事情（15%），也唔願意在週末時放下手機，哪怕只係一個週末……
▲假如發生火警，平均有 54% 的人會第一時間去救自己的手機，而在印度及中國，此比例更高！分別有 68% 及 65% 受訪者會咁做……
▲只有 39% 的用家會形容自己與手機的關係是「開心」的。
▲有 79% 的受訪者表示手機在他們進行會議時或他們身處公眾場合時「阻住哂」！
▲但好出奇嘅係，有 40% 的受訪者表示會向手機詢問連最好的朋友都唔敢開口的問題，而係印度同埋中國比例更高，分別達到 61% 及 67%，莫非亞洲人真係咁多嘢難以啟齒？
▲呢樣應係最恐怖，因為有 22% 的受訪者表示寧願週末時不做愛，都唔會唔玩手機……但有趣的是，係中國同埋西班牙，呢個比例又唔高，分別有 12% 及 10%，睇來呢兩個國家的手機用家愛手機，但更鍾情於性愛？
來源：Motorola Blog
