係琴日低調發佈既 Ricoh GR II ，單憑規格可能對各用户黎講吸引力唔夠，皆因二代比一代最明顯既升級就只係加入 WiFi 同 NFC ，以及新增既 6 種效果模式；不過小編就覺得升級的確唔多，但就夠晒實用，始終會成日用既功能先至係最重要的！
機身重量同手感與一代無異
若然從數字黎講，一代重 245 克，二代重 251 克，不過從實際上手黎講根本感覺唔到差別。而且機身按鈕同轉盤等既設計，一切都係沿用住一代。對於被稱「街拍機」既 Ricoh GR 黎講，咁樣其實先至係最好，用户由一代升級黎二代時唔需要擔心操作上既不同，好易上手。至於新加入既 WiFi 功能，本身並無獨立按鈕，而係設係 Menu 入面。
畫質變化不大 不過仍然堪用
講到好多人重視既畫質，可能就會有啲失望啦，因為小編覺得同一代變化不大。 ISO 3,200 或以上已經雜訊開始多，所以建議將 ISO 盡量設係 1600 或以下。不過值得注意既係，雖然官方並無提到，不過小編倒係覺得對焦速度同準確度有少許提升，無論小編將 GR II 郁去邊都可以兩秒內就對好焦，就算係低光源情況下，呢個係抵讚既。
相關文章:
PENTAX 重投菲林懷抱 今夏推半格直度輕便菲林機
加入 WiFi 同 NFC 手機遙控更方便
今次 GR II 加入左 WiFi 同 NFC ，既可以手機遙控影相，更可以即時傳輸返啲相去手機，要 update 返 facebook 同 instagram 就夠晒方便快捷。不過小編發現，原來遙控同傳輸需要分開兩個 app 來處理，分別是 Image Sync 同 GR Remote ，各自處理手機遙控同傳輸相片。
而更令人嬲既係 GR Remote 未係 Play Store 上架，只能透過網址或者 QR Code 先用到。
不過點解小編都話方便度大提升呢？因為 NFC 連接速度夠快，而小編日常用既 Samsung NX300 ，位置怪異而且速度慢到小編寧願等 WiFi 搜尋好過， GR II 既感覺即刻良好好多。再者，傳輸速度亦相當唔錯，而更抵讚係 GR Remote 可以轉換既設定非常多，比其他品牌豐富得多，而且 Lag 既情況唔算太嚴重，可以接受。對於成日需要低角度拍攝，或者隨時係街 Snapshot 既用户而言，的確係一個唔錯既升級黎！
新增六種效果模式 咸魚清菜各有所愛
雖然今次小編只係隨便試新增既 effect mode ，不過都已經可以清晰見得到六者之間既分別，已經比某啲廠牌好。而小編覺得 HDR 色調為最實用，始終係最明顯既效果同埋都處理得唔錯；至於其他都有相當唔錯既表現。鍾意 Ricoh GR 既用家當中有唔少係衝
Billy ：「實屬小升級，而方便度卻是大提升！」
今次 GR II 既升級的確唔多，不過都係一啲會經常用得到既功能，方便度提升，而且亦都有更多種模式可以揀返，呢啲正正就係回應過去一代用家既需求，相當貼心。總的來說，小編覺得彈藥充足的話，就直接升級吧；但如果無乜「銀彈」了，小編就建議忍忍手再等第三代，通常隔代升級會感覺更明顯更好！Ricoh GR II 既建議零售價為 $6,290 ，而全球限量「GR II」城市皮革套裝則為 $7,290 。
相關文章:
PENTAX 重投菲林懷抱 今夏推半格直度輕便菲林機
分享到 :
最新影片
