是咁的，小編今日專程去迪士尼睇亞洲最快閃既星球大戰巡遊，但因為睇完覺得唔夠喉，所以就去左暑期限定既冰雪小鎮涼冷氣，順道介紹一下俾大家。呢個以《魔雪奇縁》做主題既小鎮位置探險世界同灰熊山谷中間，地方唔算大，其實就係黑色世界個陣「黑色馬戲班」既位置。
夏雪節盛演
未入到去冰雪小鎮，出面已經有一條長長既人龍。職員表示，因為預約証已經係 10點派晒，想入去就可能要等最少 3個鐘。原來《魔雪奇緣》既吸引力咁大！各位 wire民如果要去就記得 10點前去《魔雪奇緣》冰雪小鎮門口領取「夏雪節盛演」預約証先啦。唔係唔止睇唔到表演，連之後介紹既野都無得玩。
▲ 每場 20分鐘既音樂劇有愛莎女皇、安娜公主同基斯托夫同你大唱《Do You Want to Build a Snowman》、《Love is an Open Door》 同《In Summer》等電影入面既歌曲。當然唔少得全球的大熱既洗腦歌 《Let it Go》啦！
夏雪節廣場
睇完音樂劇就可以去到人造雪世界「夏雪節廣場」同「雪橇練習場」。「夏雪節廣場」係一個舖滿白雪既地方，小朋友唔單止可以係地下砌雪人，天花定期仲會有泡沫噴出，模仿落雪場景，非常夢幻。不過，因為音樂劇最多可容納 300人，但「夏雪節廣場」最多只可以容納 70人，所以要入去，都係乖乖排隊吧！
▲ 冰雪小鎮既影相位唔多，最好影既應該就係呢隻馴鹿 Sven，想影相打卡既就快快企埋去啦！
▲ 其實人造雪量並唔多，感覺有點像刨冰、怕手凍的話可以帶定皮手袋去
相關文章:
迪士尼向 Epic Games 投資 118 億 冀發展 Fortnite 宇宙
雪橇練習場
「夏雪節廣場」旁邊既「雪橇練習場」應該係比較好玩既遊戲。呢度有 4條大約 4-5米既冰雪斜道，只要坐上雪橇，唔洗十秒就可以由山頂衝到落山腳。雖然唔算太刺激，不過都幾過癮。
▲ 今個夏天興 sir 滑梯，但坐上雪橇 sir 落嚟又試過未呢？
▲ 滑梯既正前方係多棵樹啊！明知唔會撞到，但都好易有錯覺呢！
與 Olaf 見面
除左愛莎女皇，最受歡迎既應該都係雪人 Olaf。佢會隨時出現係小鎮同大家影相呢！可惜小編等左好耐佢都無出現。嗚嗚…
▲ 佢經常係呢度出現(好似係)。
奧肯精品站
最近成日係街都見到 D 小妹妹著到成個公主咁。呢度當然都有公主裙賣啦，等 D 公主轉下新裝嘛。另外仲有公仔、飾物等《魔雪奇緣》精品出售。雖然照小編睇，大街既商店都有同樣精品，不過係呢種氣氛下，小朋友見到心頭好，你唔係唔買呀？
▲ 奧肯精品站其實唔算大，要買《魔雪奇緣》精品可能大街既商店會仲齊呢！
▲ 係時候幫你既小公主置新裝啦！
▲ 做公主，手錶同頸條又點可以少呢。
▲ Tsum Tsum 版既 Elsa 同 Anna好可愛呢！
▲ 以前既小朋友就玩 Barbie ，依家既小朋友都仲會玩換衫公仔，不過已經變左 Elsa 同 Anna了。
奧肯小食站
既然精品有限定，小食當然都有期間限定啦！小食站就有多款《魔雪奇緣》主題既小食，例如： 雪人 Olaf 造型既「小白檸檬撻」、「小白杯裝蛋糕」 同 「小白迷你窩夫」，仲有華麗既 「魔雪奇緣杯裝蛋糕」同「雪花曲奇」等。
▲單單係「小白雪杯」都有多個 size 呢！
▲ 雪花曲奇 $38 一塊，係就係貴左 D ，不過中間有張 Anna 既片紙波。
▲ 小白迷你窩夫 $40，唯起 $10粒，係迪士尼嚟講差唔多啦。
▲ 小白檸檬撻 同 其他杯裝蛋糕都係 $45。
相關文章:
迪士尼向 Epic Games 投資 118 億 冀發展 Fortnite 宇宙
依莉詩：「排 3個鐘先入得，真係值得？」
其實冰雪小鎮唔太大，可以話一眼睇得晒。如果真係要排 3個鐘先入得去，我就寧願玩下園內其他機動遊戲啦。不過咁講，依家 D 小朋友咁鍾意 Frozen ，話唔定真係可以為左入去企定定 3個鐘架！
相關文章:
迪士尼向 Epic Games 投資 118 億 冀發展 Fortnite 宇宙
分享到 :
最新影片
