對於聽眾黎講，Stems 只係一個尋常既音樂格式，只要播到 MP4 格式既 Player 都可以播到 Stems，例如：iTunes。不過對 DJ 黎講，Stems 簡直係一個新世代既偉大發明！今次這段消息，相信會令 DJ 們十分興奮呢！
過往 DJ 要利用整體音量或者控制 EQ 去製造效果，依家一個 Stems 檔案包括左四條唔同既音軌，就比如敲擊，低音 Bass，合成器 Syth 同人聲，DJ 可以現場分別控制每條單一音軌，包括為逐條音軌添加效果、Mute 咗特定音軌、甚至將一首歌嘅人聲配到另一條歌嘅音樂等等，令 DJ 表演更多元化！
Music Producer 要自己製作一個 Stems 檔案，只要用 DAW 數碼音樂軟件分別輸出一首歌嘅唔同部份，再匯入到 Stems 自家嘅 Stem Creator Tool 就可以製作到一個 Stems 檔案了。另外除咗自製之外，另一個選擇就係買啦。Stems 的音樂檔已經可以喺網上音樂商店 Beatport 同 Traxsource 買得到。
Stems 格式可以令 DJ 表演變得更加容易上手，唔知有冇更多 wire 民會因此而入行做 DJ 呢？
來源：DJTechTools
