黎緊聽日先至係香港上映嘅《神奇四俠》，相信吸引到唔少人注視（包括筆者）。今日係美國已經有傳媒搶先睇左兼出埋影評，雖然都係 Marvel 出品，但評分只係僅僅合格，想知點解咁低分就要留意內文！
漫畫風光不再 延續過往英雄電影老套開首
「作為一個漫畫迷，我對於《神奇四俠》既評價好高，所以對於真人電影版嘅期望亦相當高。但令人失望係，電影版好多位都捉錯用神，而呢個係一個恥辱，因為將好多有趣嘅想搞錯了，結果出來嘅效果還不如在漫畫版上睇好看。」
「先用 Reed 同 Ben 孩子時期作開始，其實已經係 Fox 英雄電影入面用到厭嘅開首，可以話係非常懶嘅做法。呢幕戲係用黎帶出戲中一幕 Reed Richards 作為天才兒童點樣震撼到 Dr. Franklin Storm ，於是招募佢同養女 Sue 以及 Victor von Doom 一同準備計劃，被傳送到太空搵可以解決地球上問題嘅方法，而政府搵左 NASA 介入，結果一切出錯，亦係《神奇四俠》既變化來由。」
拖戲太久 結尾亦無驚喜
「到神奇四俠得到佢地嘅力量，已經係成套戲既 45 分鐘以後，已經接近一半時間！而呢度亦係前半段故事完結嘅位，因為之後就會向前推進一年，睇住邪惡政府點樣抑制住四俠，美其名為政府搵解藥，實際就係啲非法勾當。而 Reed 嘅最大擔憂就係 Doom ，因為個個都認定佢死左；而當搵到佢之後，佢對自己獲得能力嘅方法非常嬲，於是想盡辦法報復。電影後半部先至會見到神奇四俠用佢地能力嘅打鬥場面。」
「整體來講，成個故事以一啲被用到爛嘅懸念元素作結尾，而係結尾見到神奇四俠四個聚埋一齊嘅時候，完完全全無『好想佢快啲有續集出』嘅感覺，的確對以後再開一部神奇四俠嘅希望大打折扣。雖然成套戲未至於災難，但唔好抱太大希望入場；而《神奇四俠》本身係一個好有潛力嘅故事概念，可以做得更好，不過最終被埋沒係一眾英雄電影群中，不禁令人慨嘆或者最好既神奇四俠就應該只係漫畫上出現。」
雖然美媒就咁評，但每個觀眾觀感都可以好不一，唔知各位 wire 民有幾多位係睇完呢篇影評後俾筆者撲熄晒「一出即入場」團火？以下就係《神奇四俠》香港版預告：
來源： comingsoon.net
