音質有幾好?影音達人 L 域詳評 Sony Xperia Z3+

讚好此文:

八月 7, 2015 •手提電話, 流動音樂

今時今日好多手機都標榜可以播高清音質、無損格式音樂,但係咪播到音質就代表好?未必!最近 Sony 就出咗部 Xperia Z3+,個個都話音質超掂,但抱住求證精神,unwire 一於搵影音達人 L 域來評評,究竟係咪真係堅正。

DSC03418

適合聽流行曲、女聲歌、節奏感重音樂

其實 L 域本身都是 Sony 粉絲,平時會用 Sony WALKMAN 聽歌,屋企亦是用 Sony BRAVIA 電視,所以對 Sony 產品的性能及表現十分熟悉。今次試用 Xperia Z3+,他認為 Z3+ 的「聲底」與 WALKMAN 都幾相似,不會特別偏向聽哪種歌會比較好聲,但如果真要說,用 Z3+ 聽流行曲、女聲音樂會比較好,又或者聽節奏感強的音樂(例如:爵士樂)個表達手法會幾突出。

DSC03468

▲L 域以內置音樂播放器,播放日本組合生物股長的音樂,他覺得用來聽吉岡聖惠這類女星歌效果算係唔錯。

DSC03493

▲另外 Sony Xperia Z3+ 的「聲底」與同樣是 Sony 的 WALKMAN 系列頗相似,兩者基本上聽唔到有好大分別。

支援多種無損格式音樂

另外,L 域另一項比較欣賞的,是 Xperia Z3+ 的內建音樂播放器,因為支援的格式甚多,除了一向都支援的 WAV、AIFF、FLAC 外,還支援蘋果的 Apple Lossless(ALAC)格式,算是十分齊全。另外,如果播放器檢查到播放中的音樂檔取樣達到超過 CD 的質素(> 16bit / 44.1Hz),播放時會自動出現金色 HR(Hi-Res)的符號,代表播放中的是高清音樂,幾時聽緊靚歌都會知道。

DSC03484

▲高於 CD 與素的音樂,內置的音樂播放器會自動顯示 HR(Hi-Res)圖示,表示此歌曲為高清音質。

高階耳機都易推•千元耳機都有好享受

另外,好多人都會話手機推耳機好難揀:平價易推的耳機未必好聲,貴價的耳機又未必推得郁。於是 L 域亦用不同的耳機測試過 Xperia Z3+ 的推力,他先後用過 Sennheiser 同埋 Aurisonics 測試過,發現高階耳機都推得郁:「尤其係 Sennheiser Momentum 2 On Ear,呢款 On-Ear 耳機唔算易推,但直插 Xperia Z3+ 都推得唔錯,只需要 2/3 音量都夠聲,算係一大驚喜。」不過如果講易推,L 域會推薦使用 In-Ear 耳機,因為音量同埋音質會更佳。

DSC03422

▲唔算易推的 Sennheiser Momentum 2 On Ear,Sony Xperia Z3+ 都可以輕鬆推得郁。

DSC03424

▲不過用過 ASG-2.5 試聽過,L 域覺得配入耳式耳機聽會有更佳效果。

L 域亦盛讚 Xperia Z3+ 的音效強化功能,對提升千元價位左右的入門耳機的音質有很大幫助:「例如設定中的『純音技術+』或聲音效果中的『自動優化』,會按音樂種類而自動調整至最合適欣賞的音質,就算幾百蚊或跟機附送的 In-Ear 耳機,開啟了任何一個功能後音質上都有唔錯的提升。另外聲音效果入面的『環繞音效(VPT)』,可以俾用家模擬係唔同的房間內欣賞音樂,當中最值得一試係『俱樂部』及『音樂廳』,當欣賞演唱會時,就算用 In-Ear 耳機都聽到聲音唔同的擺位,效果上算係做得幾好。」不過 L 域亦坦言,如果大家是使用高階耳機欣賞,建議開來聽聽看看是否適合自己個人口味及耳機本身特性,才決定是否長開。

Screenshot_2015-07-20-19-02-15

Screenshot_2015-07-20-19-02-53

▲針對千元左右的入門耳機,L 域建議開啟「純音技術+」或聲音效果中的「自動優化」功能(只能開啟任何一個),會有明顯的音質提升。

Screenshot_2015-07-20-19-03-07

Screenshot_2015-07-20-19-03-10

▲另外,L 域建議如果聽演唱會時,可以開啟「聲音效果」中的「環繞音效」,當中可選擇「俱樂部」或「音樂廳」,包圍感會更佳。

熒幕黑位質素佳

Sony Xperia Z3+ 的 5.2 吋熒幕,只有 1080p 解像度,好多 unwire 讀者就覺得好落後。咁作為影音達人的 L 域又係咪咁睇?「我覺得係 5 吋左右的手機上面,1080p 同埋 2K QHD 解像度的分別其實唔大,唔通下下要搵個放大鏡來找不同?」他覺得與其執著於解像度,不如執著於質素更好。

質素方面,L 域覺得採用了 Triluminos Display 技術的 Xperia Z3+,顏色風格與 Sony BRAVIA 電視好相似,黑位表現方面尤其突出!「因為 IPS LCD 熒幕的天生缺陷,黑位始終未能做到好似 OLED 熒幕咁 100% 全黑,但亦做到 90%+ 黑度,係 IPS LCD 熒幕來講算係好突出,唔會特別反光。」他更表達,Xperia Z3+ 加上內建 X-Reality for mobile 技術,令欣賞 4K 電影時,畫面無論在細緻度、光位、暗位、對比位各方面都表現好好,加上顏色飽和度方面,Xperia Z3+ 比過往任何一部 Xperia 手機,顏色取向均偏向自然,不會太誇,睇上去十分舒服,這方面亦是值得一讚。

DSC03487

▲以 Sony Xperia Z3+ 播放 4K 影片,可以見到擁有 Triluminos Display 及 X-Reality for mobile 技術的 Z3+,細緻度十分高,對比位、光位、暗位都表現得好好,顏色亦十分自然,而更重要的是,黑位係 IPS LCD 熒幕來講,已經算做得好黑。

動態畫面處理一流

針對畫面方面,L 域覺得 Sony Xperia Z3+ 還有一項優點,就是畫面處理上十分好。L 域使用了《Star Wars VII:The Force Awakens》的預告片,有些圖像處理效能較差的手機,在處理快速移動的畫面時可能會出現跳格的情況,但當使用Xperia Z3+ 試睇時,就發覺流暢度做得十分好,中間基本上看不到有「偷格」的情況出現,值得一讚。

DSC03490

▲以 Sony Xperia Z3+ 的預載影片播放器欣賞 4K 版的《Star Wars VII:The Force Awakens》預告片,欣賞高速移動畫面時十分流暢,無任何偷格情況出現。

此外,由於 Xperia Z3+ 還有一項優點,就是因為它採用了 Qualcomm Snapdragon 810 八核心處理器,所以效能上足以原生播放 4K 電影,而使用預載播放器播放時,不但十分暢順無停頓,而且就算 rewind 或 fast forward,當放開手時影片亦可即時播放,不會有 buffering 或需要時間載入的情況,亦同樣抵讚。

DSC03478

▲以預載影片播放器播放 4K 影片,就算 rewind 或者 fast forward,當放開手指時影片可以即刻繼續播放,無任何 buffering 或者需要時間載入的情況出現。

總結:愛歌人士值得入手

測試完 Sony Xperia Z3+ 的影音表現,L 域表示整體來說是十分好,而且最抵讚的是,無論是聲底還是熒幕質素,均有 Sony 其他產品(WALKMAN 系列播放器及 BRAVIA 系列電視)的影子及質素,這是作為 Sony 粉絲的 L 域喜出望外的地方。最重要是手機本身無論是入門、中階或是高階耳機都好易推得郁,不需要另購外置 Amp.,令他可以更輕便外出聽靚歌。聽完 L 域的專業評論,不知道大家有沒有興趣都入手 Xperia Z3+ 來玩玩?

DSC03438

L 域 profile

DSC03410

浮沈 AV 毒海廿多年,由玩家到傳媒再入業界,現為 DBC 數碼電台影音節目<發燒玩家>主持。 玩機理念:平有平玩貴有貴玩,最緊要有得玩。

 • 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags: , ,

讚好此文:


Comments are closed.

unwire TV



更多同類文章:

最新文章