相信唔少香港「人妻」都希望可以放到前 4 後 6，未來就連老公都可以有得放，但只得可憐嘅 3 日……唉！難為筆者先係昨日睇到 Netflix 容易初為人父母的員工放為期一年的年假，再係今日睇到呢篇 Microsoft 提升旗下員工產假日子，最長可以去到 20 星期！唔得，筆者都要入微軟打工，然後瘋狂生仔！
今次的決定是由 Microsoft 的人力資源部執行副總裁 Kathleen Hogan 提出，她在官方網誌上表示，Microsoft 從今日起容許懷孕母親多放 12 星期的產假，連同本來已有的 8 星期產假，即是合共可放 20 星期！至於侍產假方面，Kathleen 提出的日子更誇張：唔係 3 日，亦唔係 30 日，而係 12 星期！足足 3 個月左右，真係恨死隔離！
另外，在預產期前兩星期，女員工已可選擇開始放假，而無論係產假定係侍產假，員工均可選擇一次過放完，又或者分開兩個時期放。還有一點：如果 12 / 20 星期都仲唔夠，父母們仲可以進一步推遲復工日期！但當然唔係唔洗做啦，而係用兼職形式工作，實在超好呀！
Kathleen 在網誌上表示，他們希望員工以最佳精神狀態去完成每日的工作，而公司亦有責任為員工提供良好的工作環境，當中最關鍵自然係滿足員工最切身的需求。
除了產假及侍產假外，Microsoft 亦增加了所有員工的年假日數，亦增加了 401k 計劃（即是美國的退休金計劃）的延遲配存（deferred matches）。
最後，筆者的感想係：點解我唔係 Microsoft 打工呢！！
來源：The Official Microsoft Blog
