有唔少用户鍾意用 Snapchat ，因為勝在 send 出去既 message 有限期，最長都係 10 秒就會被銷毀，可惜都係追蹤得到用户本人；不過今次介紹既 FlashChat 就無呢個問題，因為你可以同任何用緊相同 WiFi 既用家傾計，而且仲可以匿名，當你熄左 WiFi 一切記錄都會被消除，夠晒安全。
有左 FlashChat ，以後就可以係 Office 度講人是非，而又匿名無人知係你講，而且只要一熄 WiFi ，啲聊天記錄就會跟住消失（不過可以 cap 定圖）。不過 FlashChat 早係一年前已推出，今次要講既當然係新推出既 2.0 版本，你唔單止可以同用緊相同 WiFi 既用户聊天，你亦可以重新訪問過去既聊天室，只要你仲保存住聊天室同 WiFi List 資訊細節。
咁樣意味著，即使你離開左 Office ，如果你無登出聊天室同 WiFi 既話，你就仍然係入面既一份子。到底咁樣係方便左，定係變得更唔方便呢？
FlashChat 下載：請按此
來源： The Next Web
