聽日就係小米正式發佈紅米 Note 2 的大日子，沒想到今日有外國網購網站就流出了疑似係紅米 Note 2 的最終外形、功能及規格。當中仲顯示了此機售價為 US$249（約 HK$1,942），似乎比預期中的售價略貴。
根據資料顯示，紅米 Note 2 將會支援全球各 4G LTE-FDD 頻譜，亦會採用 5.7 吋 2.5D 玻璃熒幕，解像度則為 1,920 x 1,080。其他規格方面，包括會採用 Qualcomm Snapdragon 615 64-bit 八核心處理器、2GB RAM、16GB / 32GB 內建儲存空間、1,300 萬像素主鏡頭、500 萬像素前置鏡頭及內建 3,600mAh 極大容量電池，規格亦標明會支援雙卡功能。至於機背方面，就會捨棄塑膠，改為採用弧形玻璃機背。不過最令筆者懷疑的，就係該網站寫明紅米 Note 2 將會採用 Android 4.4 作業系統及 MIUI 6 UI，但呢個應該係舊年的作業系統及 UI，今年理論上應升級做 Android 5.0 Lollipop 作業系統及預計會係聽日推出的 MIUI 7 UI 吧！所以，呢個流出規格究竟係咪咁可信？筆者真係覺得一半半。
但其實去到今日，大家都唔洗繼續估估下啦，因為聽日就係記者會的大日子，而筆者而家亦已係飛往北京途中，如果大家想知道紅米 Note 2 的最終面目？就要留意住筆者係北京的即時報導啦！
來源：oppomart
【評測】小米 15 Pro 亮銀版國行開箱評測 凹凸玻璃搶眼兼好手感 + 熒幕表現依然出色 + 相機配置驚喜欠奉 + 旗艦級效能電量亦夠「長氣」 【評測】小米 14T Pro 開箱評測 單手操控表現佳 + 夜攝表現出色 + 熒幕顯示亮麗 + 電量超「長氣」可用足一天以上 + 超抵玩旗艦效能手機 支援多達四個摩打 2,054 匹馬力 小米發表全新智能電動車底盤
