小朋友暑假上完興趣班，學人做勞作，搞到張枱好多擦膠碎、閃粉、紙碎，點掃都掃唔晒點算好？今日介紹呢班Sanrio 卡通人物俾大家啦！佢地不但化身成圓碌碌嘅扭蛋型，仲識得喺枱面走嚟走去幫你吸塵添！
扭蛋外型超可愛
呢班 Sanrio 桌上清潔部隊本來有 12個成員嘅，但因為有 3個遲到 (估唔到有人仲遲過蛋黃哥)，所以就介紹住 9個俾大家識啦！由左面數起有蛋黃哥、My Melody、JewelPet、布甸狗、Keroppi、Hello Kitty，上面就有大口仔、XO 同 PC狗。佢地同一般扭蛋差唔多大，工作就喺喺枱面轉嚟轉去氹你開心，而食物呢，就喺擦膠碎、零食碎等，一 D 掃唔晒既垃圾。
▲ 不過就算佢地咩都唔做，齋放喺枱面都夠晒可愛啦！
▲ 每個成員後面都有自己個名，不過佢地咁出名，你唔睇都應該識晒佢地啦！
▲ 由上面睇落去，個個都圓碌碌，好搞笑架！
有 D 嘈，只能吸小塵粒
睇完個樣啦，一於搵平時懶洋洋嘅蛋黃哥出嚟，測試下佢嘅食力先！操作方面好簡單，禁一禁佢個頭頂，再將佢放喺要清潔嘅地方，佢就會乖乖吸走 D 塵粒。基本上，塵埃、閃粉、擦膠碎等細粒又輕嘅都算吸得到，不過大張小小嘅紙碎就有 D 難道啦，而且開著咗都幾嘈。我諗蛋黃哥都喺繼續攤喺度適合佢多 D 啦！
▲ 面對咁多紙碎，蛋黃哥講咗一句，「比我抖下先啦，聽日我會努力 D 吸埋佢架啦！」
▲ 蛋黃哥嘅能量喺 2粒 AA電。
▲ 吸氣孔唔喺好大，差唔多一個 5毫子 size，所以吸唔多大張嘅紙碎。
▲ 裝塵嘅地方都喺唔大，不過用嚟吸枱面嘅塵應該綽綽有餘。
▲ 其實桌上吸塵機械人本來就唔喺新嘢，大家都知唔太實用，不過佢地咁可愛，唔喺唔買呀？
售價：$79.9
查詢：瑞華行 (2433 1828)
相關文章:
Tesla Optimus 被《智能叛變》導演批抄襲設計 指發佈會 3 個重點照抄原作 中國機械人參展商用真女人扮女機械人 「女仿生機械人」遭入場人士亂摸 Apple 下個 Hit 爆產品可能是機械人 彭博：iPad 結合 AI 與機械手臂
分享到 :
最新影片
