之前小米推出了國際版的小米 4：小米 4i，唔知有冇 wire 民用緊呢？4i 用落其實唔差，不過效能就真係差啲啲。但大家睇來又有換機對象了，因為 TENAA 同埋安兔兔評測網站就流出小米將會推出旗艦版本嘅 4i，並預計會命名為 4c。規格上採用更強勁嘅 Qualcomm Snapdragon 808 六核心處理器，唔知大家又有冇興趣升級呢？
據稱呢部小米 4c 仲會採用 5 吋 1080p 熒幕、Adreno 418 圖像處理晶片、2GB RAM、16GB 內置儲存空間、1,300 萬像素主鏡頭及 500 萬像素前置鏡頭，大部分規格同埋機身設計預計都會同 4i 相同，所以估計應該都唔支援插 microSD 記憶卡架啦。用上 LG G4 級數嘅處理器，如果部機賣 2 千頭，唔知各位 wire 民又有冇興趣入手呢？
來源：TENAA、安兔兔評測
