之前去美容院做 facial ，做做下個美容師就好好人咁話見我面上多粒粒，免費幫我照燈。其實只係喺敷緊面膜嘅時候開咗盞藍色燈對著我，照完唔覺有咩功效，不過佢就講到好神奇咁，藍光就可以消炎殺菌、紅光又可以嫩膚等等。於是我就上網搵下喺咩嚟，點知俾我發現到呢塊會發光嘅「臉堅尼」，充滿研究精神嘅我就借咗嚟試啦。
66 粒 LED燈，照得更均勻
呢塊會發光嘅「臉堅尼」叫做 Aduro 7+1 紅外線 7色彩光面膜，主要喺將彩光美容技術帶番屋企，等自己都可以做到facial。膠面膜上有 66粒會出 7種顏色嘅光同紅外線嘅 LED，利用唔同色光嘅特性喚膚能量，以改善各種肌膚問題。雖然面膜的形狀有 D 嚇人，不過比起手持式嘅光療機，佢就可以令整塊面更均勻咁照燈，連鼻邊、眼角都可以一次過照埋。
▲ 盒內有一塊連接住控制器既面膜、兩塊魔術貼、USB 線 同 兩頭嘅 USB電源插頭。
▲ 面膜另一邊有 66粒 LED 燈，會發出 7種顏色嘅光同紅外線。
助補濕面膜快速吸收
表現睇呢塊面膜又膠又重，唔好以為會有臭膠味，但事實喺無既，而且佢嘅防水設計可以配合補濕面膜使用，就好似去美容院照燈一樣，先敷住厚厚嘅面膜再照燈。而面膜嘅重量就可以壓住補濕面膜，加埋兩塊魔術貼就可以將兩塊面膜穩固咁貼喺面上，就算坐喺度，面膜都唔會跣落地。敷完之後，我就覺得比起就咁敷補濕面膜水份吸收得更快，同埋塊面咁有彈性。不過，每次敷完要清洗乾淨，唔喺滋生咗細菌，又敷番喺塊面度，照幾多次藍光都補唔番。
▲ 附上嘅兩塊魔術貼可以令面膜穩固咁貼喺面上，就算坐喺度，面膜都唔會跣落地。
7 種彩光，不同功效
正如之前美院師所講，每一種顏色都有唔同功效，比較常用嘅會喺紅光同藍光。紅光可以
▲ 第一個模式喺比較常用嘅 Wrinkle Reduce，因為紅光可以促進膠原蛋白產生，從而減少皺紋。
▲ 第二個模式都喺比較常用，Acne Buster所發出嘅籃光被細菌吸收，並產生熱，從而分泌紫質殺死細菌自己，以改善發炎情況，減少痤瘡。
▲ Skin Balance 嘅綠光就可以還原健康自然膚色，適合皮膚蒼白嘅人用。
▲ Red Away 發出嘅黃光轉化成美白能量， 同時改善泛紅問題。
▲ Radiant Skin 發出嘅橙就可以令肌膚睇上去更亮麗。
▲ Skin Shooter 發出嘅光喺天藍色，有助減少微絲血管浮現。
▲ Cell Rejuvanator 發出嘅喺可以促進健康細胞生長嘅紫光 ，從而令肌膚重生。
▲ Skin Booster 不但有紅光促進膠原蛋白產生嘅功效，加埋紅外線就更令功效滲入深層肌膚，修復細胞。
▲ Pain Blocker 會同時發出藍光同紅外線，可以激活 NO2 物質，緩解面部疼痛。
▲ Daily Dose 會喺 20分鐘內循環發出 7色彩光，提供皮膚每日所需嘅光。
▲ 最後，Quick Fix 會循環發出 紅、橙、籃光，可以短時間內快速修復皮膚問題。
依莉詩：「傳說中的臉堅尼!?」
當呢塊面膜寄到嚟公司嘅時候，D 同事就不停咁笑，有人覺得佢似臉堅尼，有人覺得佢似燈籠，甚至有同事話去鴨記買排 LED 燈未得囉！坦白講，我對光療呢樣嘢都喺半信半疑。用嘅時候，除咗覺得比起就咁敷保濕面膜快 D 吸收同暖暖地之外，就唔覺有咩效。又或者喺我貪心，敷左一個星期都喺用 Daily Dose ，貪佢可以一次過享受所有功能，於是變到無明顯效果掛。不過，自己喺屋企做的而且確平過去美容院做多多聲。
分享到 :
最新影片
