無論你係70後80後定90後，都一定經歷過摺機嘅風光年代，打開個時 Flip 出黎個一下，合埋個時啪一聲個一下，諗返起都覺得爽，可惜自從 Smart phone 開始普及，摺機就開始ç。不過今次 Samsung 就懷一懷舊，出咗一部名為 Galaxy Folder 嘅摺機，仲要係用 Android 系統，幻唔幻想到係點樣操作，想知就睇落去啦！
重拾用摺機的心跳感覺
Smart Phone 已經入侵我哋嘅生活一段日子，人人追求高階機、大芒機，你可曾記得以前想換電話嘅時候，係要諗「啊！買推機定摺機好呢？」。籮文記得初中嘅時候都係用緊摺機，最鍾意懶型咁 fing 出黎，拍埋佢，已經十幾年啦，依部 Galaxy Folder 就終於俾我搵返依個感覺。如果你問我手感好唔好，我真係唔識答你，始於依部係一部摺機，手感有別於其他手機，只能講一句「唔係好慣囉」。
▲摺埋！
▲機身紋路有防跣手用途，一間間突出黎嘅線條有助固定用家手指
▲打開！
▲鍵盤用緊嘅時候會發光架，依下真係好懷舊
▲左邊機側可以見到音量制
▲左邊機側可以見到耳機孔
▲開關制喺邊？你唔係唔記得呀嘛，摺機開關制係同收線嗰個制共用架嘛！合埋個 Mon 就 Lock Screen 架啦！
▲USB位喺機底，留意返 Samsung 標誌下面一粒指示燈，咁就唔怕摺埋咗就唔知道有 Message 啦
▲依部 Galaxy Folder 有得換電嘅！唔似佢大佬 Note 5
▲拎開粒電可以見到 SD 卡 及 SIM 卡插槽
3.8吋迷你瑩幕 睇片？算吧啦…
3.8吋 Mon ，解像度只有480 x 800，睇片嘅時候畫質一定唔會話好好，仲要好似下面張相咁，打橫成部機先睇到，搭車個時咁樣睇片真係好令人側目。睇片就唔得啦，不過睇字就 OK 嘅，正常使用都唔會見到文字有起格情況。
▲3.8吋 Mon ，解像度只有480 x 800，睇片嘅時候畫質一定唔會話好好，仲要好似依張相咁，打橫成部機先睇到，搭車個時咁樣睇片真係好令人側目
▲睇片就唔得啦，不過睇字就 OK 嘅，正常使用都唔會見到文字有起格情況。
▲陽光曬啲就好難閱讀到個芒
相關文章:
Samsung Galaxy AI 新產品上市 Galaxy Ring、S24 FE、Galaxy Tab S10
摺機用 Android 要多加操練先用得慣
雖然 Galaxy Folder 都係用 Android 系統，但係好多 App 都唔支援實體鍵盤嘅操作，所以 Galaxy Folder 有實體鍵盤嘅同時亦都有 Touch Mon。老老實實，籮文除咗一拎到部機頭個 10 分鐘貪得意，用過個實體鍵盤，其他時間都係忍唔住用咗 Touch Mon。依個時候問題就黎啦，咁咩時候可以用實體鍵盤，咩時候要用 Touch Mon 呢，下面我就逐一同大家試下！原來一般社交通訊 App 例如 Whatsapp、Facebook 等等都可以用實體鍵盤，不過如果玩 Game 呢 …
▲快速設定 始於要用 Touch Mon 拉落黎
▲玩轉腦朋友-魯芬急轉彎：實體鍵盤 不行！
▲魯芬急轉彎要咁樣先玩到…
▲Pac-Man 256：Wow！實體鍵盤 OK！要方向鍵仲爽過用 Touch Mon！
影相好易遮到鏡頭
Galaxy Folder 後鏡只有 800萬像素，前鏡更只得 200萬像素，成像當然麻麻地，更令籮文困擾嘅係當我好自然地揸住 Galaxy Folder 想影相時，手指就會遮住個鏡頭，要特登移動隻手指到一個唔舒服嘅位置先可以避免遮到，籮文心諗，如果個鏡頭喺個 Mon 後面就 Perfect 池啦。
▲令籮文困擾嘅係當我好自然地揸住 Galaxy Folder 想影相時，手指就會遮住個鏡頭，要特登移動隻手指到一個唔舒服嘅位置先可以避免遮到
▲影相界面正正常常，可以按實體 OK 制黎影相，都算方便
▲暗位失去細節，光位尚算清?
▲輕微逆光情況下，招牌仍然可讀
▲微微放大後其實幾油畫化
買機記得買埋 SD 卡
Galaxy Folder 就只得 8 GB ROM，Down 多幾隻 Game 都冇位啦，好彩支援最高 128GB microSD 卡擴充，買機記得買埋 SD 卡啦！電池方面，就有 1,800 mAh，係細架啦，不過人哋個 Mon 咁細、解像度咁低，都 OK 慳電嘅，用足一日冇問題，仲有得換電添
▲Galaxy Folder 就只得 8 GB ROM，我 Down 咗兩三幾隻 Game 咋，就快冇位啦
▲跟機有 Android Lollipop 5.1.1
籮文：「Gimmick 機 實用度 50分 好玩度 100分」
真心好鍾意依部機，帶俾我無限嘅童年回憶，不過短短幾粒鐘，我已經知道依部 Galaxy Folder 真係唔可以當係日常用機，始於太少 App 兼容到個實體鍵盤，兼且由於 Galaxy Folder 只喺韓國本土賣街，籮文試嘅依部水貨機跟機嘅中文筆劃輸入法要喺 Touch Mon 度先用到，實體鍵盤打中文就只可以用拼音輸入法，如果要想用筆劃輸入法就要 Google Play 到搵一個兼容到嘅輸入法啦 … ，實用度唔高（話說我連點樣 Cap Screen 都未發掘到，平時啲機都係音量鍵＋開關制架啫，不過 Galaxy Folder 好有性格，好難捉摸呀！），不過樂趣就真係100分，用個方向制玩 Game 真係爽好多（如果隻 Game 支援嘅話）。久違了的摺機呀！要你拎出街用個個都投以驚奇（歧視）嘅眼光嘅時候，你就會知依部機有幾矚目，拎出街直頭係威呀！
售價：$2,380
查詢：三禾電氣 (電話: 2374 0618)
相關文章:
Samsung Galaxy AI 新產品上市 Galaxy Ring、S24 FE、Galaxy Tab S10
分享到 :
最新影片
