Victor : 「中場玩組織、冇得屈速度亂放波」溫哥華開發總部試玩 FIFA16 !

讚好此文:

九月 10, 2015 •評測, 遊戲情報, 遊戲評測

unwire 今次遠道來到加拿大溫哥華 EA SPORT 參加 FIFA16 的發佈會並且順道參觀研發基地同埋訪問左開發人員,雖然 FIFA16 係 9 月25號先至正式推出,不過小編有幸率先試玩過正式版,以下就即刻同大家分享下全新的 FIFA16 究竟比上一集多左 D咩新元素,畫面、操控上又有冇進步啦!
IMAG0051

全新 FIFA Ultimate Team(FUT) Draft 模式

Ultimate Team 和 Career Mode 近年來都係 FIFA 最受歡迎既遊戲模式,而係 FIFA16,廠方就為呢兩個主要 Mode 加入左新既玩法。係(FUT)終極球隊模式模式入面,加入左新既 Draft Mode,玩家可以好似玩抽牌 Game咁樣隨機選擇全世界各地唔同既球員,究竟隊波入面會有D咩人?放心!呢個遊戲話哂講求「Balance」所以抽起上黎都算公平,玩家可以在一連四場單淘汰賽中以單獨球員比賽或者進行網上比賽,遊戲難度越高奬賞越高,當你贏波越多,獲得既虛擬貨幣 Coin 就越多(之後可以用作買賣球員或者買 Pack),然後就可以由 5 個 Random 比你既球員入面揀一個做隊長(小編見到呢5位人兄數值起碼都有 80 以上,基本上你一定叫得出佢地個名既),再之後就可以分攻擊 / 中場 / 後衛同埋後備球員選總共23人。首先,玩家選要選好你既陣型例如: 442、433、451 等等。而至於有冇機會抽到 MESSI、C 朗之類既超級球星,咁就真係要睇彩數喇! 抽齊23人咁就要慢慢執好個陣,而球員之間既 Chemistry 化學作用對於比賽勝負亦都相當重要呢!

fut0

揀好陣型之後就可以睇下抽到邊位隊長啦!

 

fut

再安排唔同既球員係佢地最適合既位置。

 

fut2

揀完後衛就要揀剩低既後備球員了。

 

想睇多D 新既FUT 模式 ?

可以睇下下面 Carragher 同 Neville 呢對永遠既冤家點玩全新既 FUT 模式啦!(真係幾好笑)

Career Mode 加入 Pre Season 比賽及訓練

另一方面,職業模式(Career Mode)就加入左兩個玩家強烈要求既元素:季前比賽(Pre-season Tournaments)同埋球員訓練(Player Training),對者可以比玩家係正式開季之前試下陣,報名參加世界唔同地方攪既友誼賽(比賽有分對手強度、對手越強,贏波獎金越高,不過參加亞洲區既比賽都有唔錯既收入呢),等玩家可以有多D子彈黎緊交易球員。而球員訓練方面,玩家唔再需要慢慢等個新星成長,而家可以一星期訓練5次 (5個人每人一次,又或者一個人TRAIN 5日都得),咁就可以盡快谷 Fit 個球員,要佢有好既表現賣走,又或者頂替受傷主力都冇問題了。

tour

career

不過開發人員同小編講,由於個遊戲好真,所有數據亦都會按照真人而定,例如你走去 train John Terry 既 Tackling 基本上係唔會再有任何提升,除左因為佢已經35歲,仲要打左呢個位咁耐經驗豐富,想爆升已經冇咩可能,呢個「升呢」既 Player Training 主要係比20歲以下既明日新星,所以係度就勸各位 Fans 唔好浪費時間係老將身上啦!

首次加入 12 支女子隊

近年女子足球得到越來越多朋友重視,除左因為剛剛舉辦完世界盃,美國、德國、日本、加拿大、中國等女子足球的進度亦相當之快。而今集 FIFA16 亦特別加入左 Women’s National Teams,引入左 12 隊女子國家隊。包括左 Germany, USA, France, Sweden, England, Brazil, Canada, Australia, Spain, China, Italy, Mexico 等等。當然一如男子隊,所有女子國家隊成員都有真樣同真既數據,好似巴西既瑪塔、中國既王珊珊、美國既 Abby Wambach 都可以輕易憑佢地既外觀而認出,對於想試下玩女子足球的朋友未嘗唔係一個新挑戰呢!

FIFA16_XboxOne_PS4_Women_ChristineSinclair_LR
FIFA16_XboxOne_PS4_Women_Morgan_LR

基本上重點女子足球既球隊好似美國、德國、加拿大等等全部都可以憑樣貌認出佢係邊個,不過比較可惜既就係中國女子隊個樣好古怪同埋冇得用日本女子國家隊了,相信好大機會是因為版權問題吧。

遊戲畫面更真、球場更細緻、追加慶祝動作

進攻同防守既控制上面都加入左新功能(綠色部份)

進攻同防守既控制上面都加入左新功能(綠色部份)

基本上 FIFA 近年已經成為左「真實」足球既代名詞,無論係球衣、球員數值、球場方面都落左好多苦工,攞哂 License 出真名真贊助商球衣,呢個亦係好多由 Winning 轉玩 FIFA 玩家既心聲。而黎到 FIFA16,本來小編已經對於球場同埋鏡頭方面既細節冇咩更高既要求,但係 EA Sport 竟然再係呢幾個方面提升,例如佢地搵左德國同俄羅斯既新晉評述員錄音,連同原有既 Martin Taylor 同埋 Alan Smith 合共錄左成 20 個鐘既旁述,又加左好多新既數據分析好似賽前既重點球員比較,球隊往績、比賽精華等等。另外, FIFA16 加入左超過70個真球場,又去實地錄低超過900場比賽球迷既歡呼聲等,而且仲同德甲聯賽攞到 License,所有既球員資料、出場表、分析都同睇電視真正既比賽冇分別呢

 

fifa16_xboxone_ps4_firstparty_stamfordbridge_hr fifa16_xboxone_ps4_firstparty_bernabeu_hr

係試玩既過程中,小編就已經留意到幾個比較明顯既畫面改變,例如出場時間既核心球員分析比較、列隊時既細緻度都有好大既分別,而且當入波之後唔單止可以做指定既慶祝動作,新一集 FIFA16 可以比玩家入波之後衝埋去攝影機鏡頭前、又或者後備席既隊友度一齊慶祝,感覺更加真實,而且近期 HIT 爆既罰球泡沫亦都可以係遊戲中見到,球證會係人牆同埋罰球位置分別噴上泡沫定位,而且泡沫又會自動係幾分鐘之後慢慢變淡消失,對於遊戲畫面方面實在沒有太多可以挑剔既地方。

spray

終於都加入噴泡罰球線了~

 

info

重點球員 Matchup 似足 NBA 既數據分析呢~

 

fifa16_xboxone_ps4_livecapture_fifatrainer_pass

fifa16_xboxone_ps4_livecapture_fifatrainer_shoot

相信連 EA Sport 都發現隨著遊戲越來越真,操作亦越來越難,為左滿足新手,全新既 FIFA Trainer 會隨時提醒你可以按咩制做咩野事,當你熟手之後就可以關閉呢個功能了。

 

 

後衛進化主動攔截 (Interception Intelligence)

小記 10 個有 9 個 friends 都對於 FIFA15 後衛既 A.I 極之唔滿意,只要對方攻擊球員跑得快、人數多既時候,電腦後衛就會好似傻仔咁企係度聯防,絕唔唔會主動攔截或者互相補位,不過 FIFA16 呢個情況終於改善左了,廠方話係聽取左玩家意見之後係防守系統方面花左唔少心思,加入左叫 Interception Intelligence 既系統,簡單黎講,防守球員會自動捉路,估計對手既傳球路線主動作出攔截。而另一方面,就係電腦終於識得互相補位喇,當前面傳失波既時候你已經可以見到電腦會自己跑返轉頭,以減低對方反擊既機會,而且比人3打2,4 打2既時候,電腦你會捕住個適當既位置,冇咁易比人 Through Pass,進攻方想交致命波係呢集黎講一D都唔易。雖然未必次次成功攔截,不過起碼可以逼甩攻擊球員既波又或者影響佢地既攻勢先,當然成功率要睇下防守球員既數值喇,數值越高,成功攔截既機會自己越高呢。

 

超正無球盤扭 (No Touch Dribbling)

小編另一個最欣賞既新增功能就係呢個名為 No Touch Dribbling 既功能喇,大家睇開波都知,邊有人次次攞波都上腳,一定一觸球就會帶波架呢? 今集 FIFA16 加入既 NO Touch Dribble 就可以比玩家更多選擇,當隊友傳波比你既時間,你大可以按住(LT)制唔攞波,唔攞既意思並唔係上一集既漏波咁簡單,而係球員會因應返個波既速度跟住跑或者保護住個波,可能有讀者會問咁有咩用呢? 實際用途就大啦,玩家可以同時 (按 LB + RT + LS) 黎做上/下半身既假動作例如: 扮假腳傳波、射波、企定唔郁、肩膊向左/右推進等,對電腦 AI 可以令佢失位或者引佢去你想佢去既位置,不過對於真人黎講用途就可能不大,因為大部份真人玩家都係向住個波衝,話之你點 FAKE 佢都會向你衝埋黎,咁呢個功能就會相對地削弱左,不過小編既意見個 GAME 除左更真實之後,亦不失可以提供更多唔同的單對單過人花式呢!

notouch

睇Messi 示範 No Touch dribbling:

中途攔截防守 (In Air Tackle)

玩過 FIFA15 的朋友相信都會遇過明明個波係你防守球員經過既線路但係偏偏攞唔到個波既問題,黎到 FIFA16 終於有解決方法喇。新加入既 In Air Tackle 系統可以比玩家當個波係空中(55波)既時間主動禁制去出腳攔截,當然隻 game 又點會咁荀比你話截就截,極其量出腳之後會或多或少咁改變個波既球速同埋落點,從而令到控波既球員判決錯誤而甩腳,呢個新功能對於攻擊球員黎講絕對係個壞消息,因為防守球員仲可以配合埋下面既功能去搶波,令進攻球員再勁都冇以前咁容易屈機,可以話某程度今集 FIFA16 由以往既進攻至上偏重左去防守,貫徹左 EA 話要平衡比賽呢個賣點。

fifa16_xboxone_ps4_e3_kane_hr

係FIFA16如果個波係空中既話會多左好多變數,因為後衛可以伸腳上半空攔截改變方向和力度,比前鋒攞到波都未必控得穩呢。

攞位膊頭大鬥法 (Shoulder Challenger)

只要大家踢波既都會知道身位和速度比較同樣好重要,而 FIFA 係上一集已經加入左呢個元素,你只要食左佢位,就算佢跑得再快再冇用,而黎到 FIFA 16,呢個情況就更加明顯啦。開發人員表示因為有唔少玩家投訴遊戲出現用速度去屈機,所以特別加入左更多既身位元素,而呢一次就加入叫做 Shoulder Challenger 既功能,顧名思義就係防守球員可以利用自己既身位去「擔贏」對手,雖然對於跑狗球員食位仍然係最重要既方法,而用膊頭去擔位某情度比較適用於球速較慢或者對方甩腳既時間使用,當防守球員越大隻,擔波既威力就越大,好似泰利對馬達(比喻)就可以好輕鬆連波連人攞埋啦。

fifa16_xboxone_ps4_firstparty_atlmadrid_vs_valencia_hr

FIFA16搶先試!屈機屈唔到女子【FIFA16搶先試】全世界都等緊睇 Apple 發佈會之際,其實 EA 都喺 9 月 8 號開放咗《FIFA 16》demo 俾大家 download,我地記者 Victor 仲飛到加拿大溫哥華同其他傳媒率先試玩添!究竟個女子世界盃模式好唔好玩?快啲睇片睇吓佢點講!==========大割引機票,教你直飛日本 $1,000 起詳情: http://unwire.la/sapp3hkairtics

Posted by UNWIRE.HK on Wednesday, 9 September 2015

玩後感: 冇得屈長傳,中場易斷波

除上以上提及的新功能同埋新系統之外,小記玩完 FIFA16 之後就發現新 Game 同舊作都有幾大分別,首先係操控上玩家要係中場慢慢組織,因為整個系統對於控球比例的要求高左,控波容易甩左,而全新既有目的地傳球(Passing with Purpose)(RB + B)其實就係強化版既 Y 制 Through Pass, 不過力量更大,而且傳球路線更加絕,不過交失既機會亦大增,不過只要隊友走到空位,呢個功能真係好好用。而整體黎講今集電腦既AI都有改善(不過攻擊仍然好過防守),進攻時有版有眼,又可以用盡球場既深度同闊度猜波,亂咁向對方衝只會更易被猜散。雖然新既 Through Pass 可以好屈機,不過好在整個防守系統都進步左,電腦識補位,又加入空中截波、Fake Tackle 等,攻守方面的確平衡得好左,不過如果大家諗住用女子隊對男子隊就唔得啦,因為遊戲只可以男子對男子比賽或者女子對女子比賽呢!

 

 • 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags: , , ,

讚好此文:


Comments are closed.

unwire TV



更多同類文章:

最新文章