相信大家近日出到街，都開始感到有少許秋意，因為筆者最愛的秋天就來到啦！去到秋天，最適合就係一班朋友一齊去行山啦，而近年好多朋友都興帶住個 Action Cam 行山，因為雙手唔洗拿住個相機，尤其是要雙手並用爬山，又或者要撥開樹叢闖林，又或者要綑邊行海岸嘅時候，用 Action Cam 影相拍片就肯定比用傳統相機方便。不過市面上質素較好的 Action Cam 一般都要索價三、四千元，最近本地代理 Everbest 就代理了抵玩 Action Cam 品牌 ThiEYE，他們的 i60 只係千零蚊就有交易，究竟用起來感覺又點？而家就同大家介紹一下。
機身輕巧配套齊全
首先 ThiEYE i60 一拿上手，筆者就覺得好輕身，本身連電池都只係 63g 重，就算連埋防水殼拿係手上，都仍然好輕，拿去行山一流。另外，i60 包裝配套非常齊全，唔止千零蚊送埋防水殼，仲送埋一大堆配件，包括：快拆扣、平面黏著座、弧面黏著座、
▲就算加埋個防水殼都好輕巧，拿去行山一流。
▲機身前方設有開關鍵，它亦可以用作轉換拍攝模式。
▲機底的就是快門鍵，按動它可以啟動攝錄。
▲機身右側設有 microSD 記憶卡槽，用作收藏相片影片，亦有 Micro USB 端子接駁電腦複製檔案，又有 Micro HDMI 端子，可以直駁大電視，與親友分享相機內的漂亮相片及影片。
▲隨 i60 更附送一大堆接環、固定架，令大家唔洗另購配件，已經可以用不同模式或放置於不同位置進行攝錄。
▲設有金、黑及銀色供大家選購。
功能齊全支援 1440p 超高畫質攝錄
另外，在功能上 ThiEYE i60 亦十分超班，它採用了美國 OmniVision 1,200 萬像素 CMOS 鏡頭，並具備可拍攝 152 度角度的廣角鏡，再配合 OmniBIS-2 自動低光處理兼影像穩定功能，加上 F/2.8 大光圈鏡頭，可進行最高 1440p 質素的超高質錄影，十分厲害。此外，它具備多種拍攝模式，例如：連拍、縮時、循環錄像、連續拍攝等，還設有專供有車一族使用的車載模式，就算用佢來做車 Cam，都一樣無問題。佢亦具備超長拍攝時間，可最長進行 90 分鐘 1080p 質素連續攝錄；更可以配合附送的防水殼，在最深 40 米的水內進行攝錄，就算浮潛拿佢去影水底靚景，都一樣無問題！
▲它的 1,200 萬像素 F/2.8 鏡頭，可拍攝 152 度超廣角影片，而且具備自動低光處理及影像穩定功能，就算係較暗環境影相拍片都可以影到清晰影像。
▲拍片方面，i60 最高支援 1440p 120fps 影片拍攝，以千零蚊成本來講確實超值。
▲簡單用機身前方的 Mode 按鍵就可以係拍片同埋影片模式之間切換。
▲影相模式設有拍照、延時拍照、定時自拍或連拍模式，不過就要係 APP 入面進行切換。
▲當中最特別肯定是車載模式，而且可以自行設定質素是低、中還是高，大家用 i60 來做車 Cam 都得。
內建 Wi-Fi 駁手機 APP 可即拍即 share
此外，ThiEYE i60 更內建 Wi-Fi 功能，只要大家在手機下載 ThiEYE APP，即可以與 i60 連接。不但可以同步設定不同功能、控制拍攝或即時翻睇所拍影片或相片，更可以透過 APP 直接將 i60 內的影片、相片下載到手機或平板，然後就可以快速分享到各大社交網站，或透過 WhatsApp、LINE 等通訊軟件與朋友分享，好方便哩！
▲內建 1.5 吋 TFT 熒幕，不但可以為相機進行設定，亦可以即時翻睇拍攝了的相片及影片。
▲如果想係更大熒幕上翻睇相片及影片，i60 亦設有 Wi-Fi 接駁功能，只要按下上圖這個按鍵，再與手機的 ThiEYE APP 接駁即可。
▲透過 APP 唔止可以遙距操控相機，亦可以翻睇拍攝了的相片及影片或為相機進行設定。
試相區
▲日間
▲晚上
試片區
▲日間
▲晚上
售價：$1,098
查詢：Everbest（2541 2982）
分享到 :
最新影片
