大家好！我係 Alycia 陳婉衡 ，做藝人梗係要 Keep Fit 啦(最近仲苦練緊馬甲線添)！但係點樣做運動先最有效呢？原來戴住一隻運動手錶好幫到手架，ASUS VivoWatch 除咗可以幫我Check 住自己身體狀況，喺生活上都幫我唔少！依家就等我分享一下平時點用佢啦！
做運動嘅好幫手
VivoWatch 叫得做運動手錶，當然幫到我更加有效率地運動啦！只要長按手錶旁邊嘅按鈕就可以進入運動模式，進入運動模式後 VivoWatch 就會幫我計算跑步距離、速度、步數，咁先可以有目標地跑，每一次都要超越自己！另外仲可以幫我計算到卡路里消耗，前幾日食咗 Buffet，勁有罪惡感，一陣要跑返夠本消耗返先得！而 VivoWatch 嘅錶面有一盞 LED 指示燈，當用家運動量達到有氧運動嘅強度時，指示燈就會著綠燈，話你知目前我嘅運動強度可以有效燃燒熱量、強化心臟功能及增加活力，咁先係做運動架嘛！不過如果 LED 著紅燈，你就要停低休息下啦！因為紅燈代表我嘅運動強度太劇烈，心率接近我嘅個人極限。所以 VivoWatch 真係可以大幅提升我嘅運動效率，Keep Fit 就更加事半功倍啦。
▲進入運動模式後 VivoWatch 就會幫你計算跑步距離、速度、步數，咁先可以有目標地跑，每一次都要超越自己！
▲透過手機 APP 可以睇清楚步數及每日卡路里消耗，有效幫助控制體重！另外，隻錶仲可以睇到今日紫外線指數，就知道使唔使搽防曬啦。
▲幫你跑步計時，仲可以 Check 住自己心跳。如果錶面指示燈著綠燈，就代表目前嘅運動強度可以有效燃燒熱量、強化心臟功能及增加活力。不過如果 LED 轉了做紅燈，就快點休息啦！
Keep 住健康生活
返到公司成日屈住喺 Office，好易有肚腩仔之餘仲會筋骨痛，VivoWatch 有 Walk Reminder 功能，你坐得耐佢就會提你起身郁下伸展下！另外，想唔想知自己有冇瞓到輾轉反側呢，Sleep Info 功能可以將睡眠資訊一一紀錄，咁就知道點樣可以改善睡眠質素，仲可以用震動功能黎叫你起身，唔怕個鬧鐘嘈醒晒全屋人啦！
▲返到公司成日屈住喺 Office，好易有肚腩仔，VivoWatch 有 Walk Reminder 功能，你坐得耐佢就會提你起身郁下伸展下。
▲Sleep Info 可以監測住你嘅睡眠質素及翻身次數。
相關文章:
【評測】ASUS ZenFone 12 Ultra 詳細評測 相機表現有提升 + 設計更簡約風 + 旗艦效能依然抵玩 華碩拍賣黃仁勳簽名 ROG RTX 5090 黃金限量版、收益撥捐洛杉磯山火 華碩 ROG 攜手阿拉伯 Qiddiya City 2025 台北國際電玩展聯合展演
唔怕整花或者入水 7日唔叉電都得 啱晒大頭蝦
VivoWatch 用嘅係 Gorilla 3 強化玻璃錶面！仲採用 IP67 防塵、防潑水錶身，即使戴住去沙灘玩又或者沖涼都唔需要擔心整花，入沙或者入水啦！而且電池續航力在正常模式下高達一星期都唔洗叉電，啱晒我依啲成日唔記得叉電嘅大頭蝦。
▲即使戴住去沙灘玩又或者沖涼都唔需要擔心整花，入沙或者入水啦
有 Message 但無手拎電話點算？
我好鍾意 Shopping ，有時候電話會放左入手袋，雙手又拎住好多野，如果有 Message 就好麻煩，呢個時候 VivoWatch 就大派用場，只要用藍芽連接咗手機 (支援 Android 4.3 OS (含)以上版本以及 Apple iOS 8.1 (含)以上版本)，無論係 Whatsapp、Facebook、又或者其他 App 嘅通知都可以用 VivoWatch 黎睇，最正就係連繁體中文字都讀到，市面上好多運動手錶都未有架！咁就可以隨時隨地緊貼住 Message 又唔使拎住部手機啦。
▲以後手機放咗入手袋都唔怕，因為手錶會話俾我知有咩最新消息。
▲無論係 Whatsapp、Facebook、又或者其他 App 嘅通知都可以用 VivoWatch 黎睇，最好就莫過於連繁體中文字都清楚睇得到。
功能幾多都好 最緊要靚！
女仔就梗係貪靚㗎啦，就算係運動手錶都要靚，VivoWatch 全黑色好有型，外觀唔會好搶，最緊要易襯衫呀嗎！如果你想換錶帶配搭不同心情都可以，VivoWatch 係用 22mm 標準錶帶設計，用家可以自行購買，替換不同的款式嘅錶帶，今日襯黑色膠帶聽日襯啡色皮帶，任君選擇。錶身總重量只係有 50g，戴起上黎相當輕盈，雖然功能多多，都唔會相比其他錶特別重。預設的黑色錶帶內側就有透氣波浪狀設計，佩戴得耐都唔會焗。 VivoWatch 亦係用傳統針扣設計，易戴易除。而 1.28 吋黑白反射式 LCD 觸控螢幕，仲有背光功能，就算喺黑暗環境都Work 到。
▲黑色手錶最易襯，無論戴上做運動、去街或番工，咩場合都容易 carry 得到！
▲我最怕使用啲複雜的介面，最重要可以睇清楚時間，日期就OK ！
▲VivoWatch 可以隨時替換不同的款式嘅錶帶，用家需自行購買 22mm 標準錶帶。
建議零售價：$1,399
查詢： 36196500 (Good Century)
Make up & hair styling： Heidi Lee @ Heidi-Makeup.com
Photographer: 皓藍
相關文章:
【評測】ASUS ZenFone 12 Ultra 詳細評測 相機表現有提升 + 設計更簡約風 + 旗艦效能依然抵玩 華碩拍賣黃仁勳簽名 ROG RTX 5090 黃金限量版、收益撥捐洛杉磯山火 華碩 ROG 攜手阿拉伯 Qiddiya City 2025 台北國際電玩展聯合展演
